Adicam retoma este xoves as andainas "cara a saúde" en Pontevedra
Por Anxo Lourido
A Asociación de persoas afectadas de cancro de mama e xinecolóxico (Adicam) recupera este xoves 5 de setembro o seu programa de andainas periódicas 'Doce pasos cara á saúde' en Pontevedra.
A iniciativa, que se desenvolveu con éxito durante o ano 2024, busca promover o exercicio físico e o benestar emocional entre as persoas participantes.
O programa, aberto a calquera persoa interesada en realizar actividade física de baixa esixencia, contou o ano pasado con 35 participantes e unha media de 12 a 15 asistentes por saída semanal.
A nova tempada 2024-2025 comezará cunha saída desde a Praza de España de Pontevedra ás 10:00 horas.
Desde Adicam animan a unirse á actividade, destacando que o único requisito é "ter ganas de mellorar o noso estado físico e tamén emocional".
As camiñadas realizaranse semanalmente os xoves, continuando co formato do ano anterior, que se estendeu de xaneiro a xuño, cunha pausa durante os meses de verán.
Relacionadas:
-
A Marcha Contra o Cancro anima aos pontevedreses a sumarse ao #Reto2030 para aumentar a supervivencia
Por Redacción |
-
Corte de tráfico na rúa Cobián Roffignac pola retirada dun guindastre
Por Oskar Viéitez |
-
"Tiña un vultiño no peito e pensaba que non era nada. Cando fun ao médico díxome: é un carcinoma. Foi un shock"
Por Anxo Lourido |
-
Visibilizando o cancro de mama: "Entendémonos porque todas pasamos polo mesmo"
Por Mónica Patxot & María José Pita |