Unha policía para reforzar a loita contra a violencia sobre a muller desde a Subdelegación do Goberno
Por Natalia Puga
Cambios na Unidade de Violencia sobre a Muller da Subdelegación do Goberno en Pontevedra. A responsable dos últimos anos, Manuela Vilaboy, deixa o cargo e asume a xefatura a subinspectora da Policía Nacional María José Rodríguez.
O subdelegado do Goberno en Pontevedra, Abel Losada, recibiu este luns á nova xefa e mantivo con ela unha primeira reunión na que tamén estiveron presentes o comisario provincial, Juanjo Diaz Jiménez, e a secretaria xeral da Subdelegación, María Isabel Alonso de Linaje Calzada.
Losada agradeceu o seu desempeño e labor a Manuela Vilaboy e fixou coa nova responsable os obxectivos da unidade, moi satisfeito con esta nova incorporación.
María José Rodríguez Pérez é subinspectora da Policía Nacional, corpo do que forma parte desde hai 18 anos. Ata este verán, era a responsable da Brigada de Seguridade Cidadá da Comisaría Local de Ribeira. Previamente pasou pola Comisaría Local de Vigo-Redondela.
En Vigo formaba parte do Grupo de Atención á Cidadanía e ocupábase da activación de protocolos relativos á violencia e agresión sexual, da recepción e xestión de alertas do Centro Cometa, dos casos de violencia de xénero de risco alto ou extremo, así como da xestión a nivel provincial da aplicación Alertcops.
Previamente foi investigadora da Brigada de Branqueo de Capitais da UDEF, na Comisaría Xeral da Policía Xudicial, e posúe dúas cruces ao mérito policial con distintivo branco.
Da nova responsable destacou o subdelegado que provén da Policía Nacional, ten unha ampla experiencia e "será unha peza fundamental do sistema VioGén na provincia", do que forman parte 17 concellos”. Realizará un seguimento dos recursos e servizos estatais en materia de prevención e loita contra a violencia de xénero, en coordinación coas diferentes administracións.
O subdelegado subliñou o "compromiso total" da Subdelegación e do Goberno de España na loita contra violencia sobre as mulleres e lembrou que os 61 concellos da provincia recibiron este ano case 600.000 euros dos fondos do Pacto do Estado, o que supón un 52% de incremento con respecto ao investido polo anterior executivo.
Relacionadas:
-
Entrégase á Policía un veciño de Marín investigado por propinar unha malleira á súa parella
Por Oskar Viéitez |
-
Xulgan un mozo por quebrantar unha orde de afastamento e tentar agredir sexualmente a súa ex parella
Por Oskar Viéitez |
-
25N | As institucións únense á loita por "acadar unha provincia que vaia a máis no que todos queremos: en igualdade"
Por Mónica Patxot & Natalia Puga |
-
Regueifas pola igualdade e contra a violencia de xénero no Grove
Por Redacción |
-
MAVI, a Maleta Viaxeira, segue a espallar o pensamento crítico en pro da igualdade e contra a violencia de xénero
Por Natalia Puga |
-
Debullando a lei do 'só si é si': do dereito de reparación social aos dispositivos de protección para a vítima
Por Natalia Puga |
-
8M | O "moi masculinizado" sector da pesca toma o protagonismo na Subdelegación do Goberno
Por Natalia Puga |
-
Os reclusos do Centro Penitenciario de A Lama serán os primeiros en recibir a "Maleta Viaxeira contra a violencia de xénero"
Por Oskar Viéitez |
-
"O que nos debería preocupar moito como sociedade é como se relaciona a xente nova hoxe, como entenden a parella"
Por Natalia Puga & Mónica Patxot |
-
Pontevedra, ante o 25N: 288 mulleres con máis dun agresor e 233 maltratadores con máis dunha vítima
Por Natalia Puga |
-
"Un país sen feminismo é un país sen xustiza"
Por Natalia Puga |