A Lanzada renova a súa lenda das nove ondas
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
![](/web/cache/scene/uploads/fotos/foto/238/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66d3f9a77d-457747581_813492587626764_6009149337333799578_n.jpg)
© Concello de Sanxenxo
![](/web/cache/scene/uploads/fotos/foto/75e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66d3fa3fb3-457352320_813492640960092_1687341617849158990_n.jpg)
© Concello de Sanxenxo
Como cada último sábado de agosto, do mesmo xeito que ocorre na noite de San Xoán, a praia da Lanzada renova a súa lenda das nove ondas.
O ritual consiste en saltar as ondas para facilitar a fertilidade aínda que moitas persoas optan directamente por un baño xunto á ermida de Santa María e asocian os supostos beneficios do rito á curación ou á boa sorte.
Segundo a tradición eran as mulleres casadas que querían quedar embarazadas e as solteiras que buscaban marido as que ao amencer preto das pedras do chamado "cuna da Santa", metíanse na auga para cumprir co rito que só tería efecto se o sol aínda non aparece polo horizonte e a lúa estaba en fase crecente ou chea.
En calquera caso, esta fin de semana celébranse as festas en honra a Nosa Señora ds Lanzada con verbenas e misas. A deste sábado estivo seguida da procesión, acompañada do grupo Danzantes de Cobas. A romaría estivo amenizada pola Banda de Música de Sanxenxo e o grupo gaitas do país Vos do Barro. Ás doce da noite houbo unha tirada de fogos artificiais.