As mariscadoras da provincia celebran unha xornada de convivencia na que abordaron os problemas do sector
Por Oskar Viéitez
As mariscadoras da provincia de Pontevedra participaron este sábado nunha xornada de convivencia e traballo co obxectivo de debater e analizar a situación do sector desde diferentes perspectivas.
Baixo o lema ‘Construíndo Xuntas’ a Consellería do Mar organizou esta actividade para que as profesionais fortalecesen os seus lazos, intercambiaran coñecementos e explorasen novas oportunidades.
Para iso, combinouse a celebración de mesas de traballo nas que se abordaron aspectos como o empredemento feminino, a comercialización de produtos pesqueiros, as necesidades e retos aos que se enfrontan as directivas das agrupacións a pé e confrarías así como as oportunidades que ofrece o turismo mariñeiro e a realización de accións de recollida de lixo, entre outros coa celebración de actividades culturais e de lecer.
Nesta iniciativa, celebrada na Illa de San Simón, participou a directora xeral de Desenvolvemento Pesqueiro, Marta Villaverde, que agradeceu a participación de preto dun centenar de mariscadoras e destacou que esta cita amosa dun xeito claro a aposta da Xunta por un modelo de xestión do sector pesqueiro baseado na cogobernanza.
Relacionadas:
-
A Festa da Ameixa de Campelo celebrarase do 18 ao 20 de outubro
Por Redacción |
-
Sete novos cursos para o sector pesqueiro impartiranse na Aixola de Marín
Por Redacción |
-
Alivio entre as mariscadoras ao atopar ameixa nas praias tras medio ano sen actividade
Por Oskar Viéitez |
-
Poio solicita autorización a Costas para repoboar a praia de Cabeceira con árbores axeitadas
Por Redacción |
-
"Mareas de Vida", o proxecto que pon en valor as mulleres do mar da ría de Pontevedra
Por Noticia patrocinada |