"Sorpresa maiúscula" porque o novo proxecto de Santa Clara é "exactamente o mesmo" que o presentado fai quince meses
Por Oskar Viéitez & Cristina Saiz
Creada e actualizada
Creada e actualizada
"Sorpresa maiúscula" no goberno local de Pontevedra ao coñecer o proxecto de rehabilitación e ampliación do recinto conventual de Santa Clara.
Unha vez que o documento foi aprobado por Patrimonio, o pasado 22 de xullo, a Deputación provincial solicitou ao Concello de Pontevedra a licenza de obra para poder intervir no convento.
O concelleiro de infraestruturas e portavoz do BNG na Deputación, César Mosquera, compareceu este luns en rolda de prensa para explicar que este proxecto é "exactamente o mesmo" que o que foi presentado fai quince meses polo estudo madrileño Nieto Sobejano, gañador do concurso de anteproxectos para rehabilitar o convento de Santa Clara e convertelo na sétima sede do Museo de Pontevedra.
Hai "axustes mínimos" no proxecto actual en relación con aquel deseño titulado 'Verbas da pedra', do equipo de arquitectos dirixido por Fuensanta Nieto e Enrique Sobejano. Se antes a edificabilidade total era de 6.950 metros cadrados agora é de 7.047.
César Mosquera convidou á cidadanía para xogar ás sete diferencias buscando os detalles polos que se poden distinguir os proxectos de agora e o de entón. "Hai que ter a vista fina para atopar diferenzas", dixo o concelleiro que destacou que no novo proxecto mantense o centro arqueolóxico e as instalacións soterradas que levaron ao actual vicepresidente da Deputación, Rafa Domínguez a denunciar a "vandalización dos xardíns".
As instalacións soterradas si que contemplan un soto máis dos dous xa previstos, cunha profundidade por baixo da cota do río Lérez. "Non estaría mal que retirase esas acusacións de vandalizar", comentou o edil nacionalista sobre as declaracións do popular Rafa Domínguez.
Tamén permanece no novo proxecto o baldaquino da entrada coas dimensións establecidas desde o principio, 18 por 18 metros, mesmo contempla as mesmas demolicións e non avanza moito máis no deseño básico da entrada aos xardíns desde a praza de Barcelos.
César Mosquera volveu a tender a man ao goberno provincial para que "conten coa nosa colaboración" para sacar este proxecto adiante e lembrou a "historia negra" do Partido Popular na Deputación "á hora de sacar adiante edificios complexos" como o Estadio de Pasarón ou o Edificio Castelao do Museo, segundo citou.
"O que nos preocupa é que isto non leva bo rumbo", dixo César Mosquera cre que a Deputación de Pontevedra, "ao ritmo que van, va a tardar moitos anos en sacalo" e que, debido a que "seguen sen estar resoltos algúns problemas" polo que "o proceso de tramitación e de execución pode ser atroz".
Agora, o Concello de Pontevedra ten tres meses para aprobar ou rexeitar a solicitude de licenza de obra.
RESPOSTA DE RAFA DOMÍNGUEZ
O vicepresidente da Deputación de Pontevedra, Rafa Domínguez, saíu ao paso destas declaracións do concelleiro de infraestruturas e manifestou que: "la verdad es que o el señor Mosquera no se entera de cómo está yendo el procedimiento de Santa Clara y para ello le invito a que hable conmigo o que me pregunte si tiene alguna duda o el señor Mosquera está creando, queriendo crear un conflicto que no existe y que no es así".
Domínguez asegurou que tras a celebración do último pleno falou con Mosquera deste tema e reiterou que "una vez se presenta el proyecto básico es cuando se procede a un proceso de negociación entre la Diputación y los ganadores del concurso y en ese proyecto básico hemos pedido las modificaciones que irán en el proyecto definitivo, es decir, la entrada por Santa Clara, es decir, la reducción de máxima protección del bosque de Santa Clara o la reducción de algunos elementos. Eso va en el proyecto definitivo".
A continuación o vicepresidente da Deputación insistiu en que o concelleiro nacionalista "o no se entera de cómo va el procedimiento" ou "está queriendo crear una polémica artificial".
Relacionadas:
-
Reclaman á Deputación documentación necesaria para tramitar a licenza da reforma de Santa Clara
Por Anxo Lourido & Mónica Patxot |
-
Domínguez ve a Lores "frustrado" por Santa Clara e censura o seu "doble rasero"
Por Alejandro Espiño |
-
Darán "máxima axilidade" á licenza para a rehabilitación de Santa Clara, pendente de nova documentación
Por Natalia Puga |
-
A Deputación limpará de maleza o muro perimetral do convento de Santa Clara
Por Redacción |
-
Patrimonio dá luz verde ao proxecto básico de rehabilitación de Santa Clara
Por Cristina Saiz & Anxo Lourido |