Melloran a accesibilidade e seguridade do CEIP Tenorio coas obras de humanización das beirarrúas e escaleiras
Por Redacción
A Consellería de Educación inviste máis de 40.000 euros no proxecto de humanización e remodelación das beirarrúas e as escaleiras do recinto escolar do CEIP de Tenorio, ademais da substitución das baldosas por unha senda peonil en formigón máis segura.
Esta intervención, que xa está en marcha, busca mellorar a accesibilidade, a seguridade e cambiar o aspecto actual por outro máis acorde co centro.
Indican desde o Concello que as beirarrúas, que presentaban un aspecto moi deteriorado con losetas danadas, serán substituídas por un pavimento de formigón raiado e piconado en cor marrón. Terá unha superficie duns 59 metros cadrados.
O alcalde, Jorge Cubela, subliñou que "estas melloras incrementarán a seguridade dos escolares e integrarán esteticamente o recinto coa senda peonil existente, reforzando o uso educativo, deportivo e de lecer da zona".
Relacionadas:
-
A escola infantil de Tenorio xa está renovada para o novo curso con melloras nas instalacións e espazos exteriores
Por Redacción |
-
O CEIP de Tenorio logra a excelencia en innovación educativa en dinamización lingüística
Por Oskar Viéitez |
-
Alumnado do CEIP de Tenorio conmemora o Día do Libro nun encontro co escritor Manel Loureiro
Por Redacción |
-
O alumnado do IES Cotobade cursará o bacharelato no instituto Xunqueira II
Por Redacción |