O incendio dunha furgoneta de madrugada deixa sen luz o pavillón da Raña
Por Redacción
Os Bombeiros do Morrazo sufocaron na madrugada deste mércores un incendio declarado nunha furgoneta de repartición aparcada na zona da Raña, en Marín.
O lume produciuse pasadas as 3.00 horas da madrugada, e afectou ademais a outro vehículo aparcado e tamén ao pavillón deportivo.
De feito o cadro de subministración eléctrica da instalación deportiva quedou seriamente afectado, deixando sen luz o pavillón.
A Policía Nacional de Marín investiga agora as causas do suceso para esclarecer se se tratou dun lume intencionado ou accidental.