Tres graneleiros coinciden no Porto de Marín na descarga de 75.000 toneladas de cereais
Por Redacción
O tráfico dos graneis sólidos converteuse nun dos transportes en auxe durante este 2024.
Así o constata o Porto de Marín, onde se rexistrou unha suba do 39% nos seis primeiros meses deste ano con respecto ao mesmo período de 2023.
Neste incremento destaca o transporte de cereais e de fariñas, cun 14,45% de aumento ata o mes de xuño.
Precisamente, durante estes días, tres buques graneleiros con carga de cereais coinciden no porto realizando unha descarga de máis de 75.000 toneladas conxuntas de mercadoría.
As tres embarcacións atópanse consignadas polo Grupo Nogar.
O buque Ura, procedente de Alemaña; o Prince Zain que chega de Alxeria e o Cumbria que procede dos Estados Unidos, do porto de Convent.
Os buques atracaron nos peiraos Leirós 1 e 2 e no Peirao Oeste.
Relacionadas:
-
O Porto de Marín medra un 26% ata o mes de xullo
Por Redacción |
-
Sete novos cursos para o sector pesqueiro impartiranse na Aixola de Marín
Por Redacción |
-
Un cruceiro alemán trae 770 pasaxeiros a Marín e o porto ponlles un autobús para visitar a vila
Por Redacción |
-
O Porto de Marín rexistra un crecemento do 18,7% no primeiro cuadrimestre do ano
Por Redacción |