A Mocidade Galega pola Memoria conmemorou este ano o Día da Galiza Mártir cun evento na Praza da Liberdade de Pontevedra, titulado 'Voces novas contra a impunidade' e celebrado na véspera da data.

Pablo Abelleira, encargado da organización dentro de Mocidade Galega, explicou que "a base do acto é poñer en valor as políticas de memoria histórica e demostrar que a mocidade está implicada nas causas".

Ana Loureiro foi a presentadora do acto, no que participaron a historiadora Raquel Fernández e Mariña Paz, quen compartiu a experiencia da súa familia como vítimas da represión e como mantiveron viva esa loita desde a súa infancia.

O toque musical da xornada estivo a cargo do Dúo Crúas, que interpretou diversos poemas galegos.

Pantalla completa