En Pontevedra faltan noivas ou faltan negocios que as vistan?
Por Marisa Ciordia
Unha vez termine o mes de setembro Pattuka pechará o seu negocio. Con este peche, en Pontevedra unicamente quedarían dous establecementos máis para as noivas que queiran comprar o seu vestido de voda. A evidencia é que neste século foron desaparecendo paulatinamente os comercios deste sector: foi Veymar, foi Pronovias ou foi Noivas Sol.
Que factor ou factores están a afectar?, cada vez hai menos vodas?, segue habendo vodas pero novos hábitos están a repercutir?, o investimento neste tipo de comercios é demasiado elevado para emprender?. Chequeamos.
Natalia Lorenzo é a propietaria de Pattuka. Comezou fai aproximadamente vinte anos xunto á súa nai con tarxetas de invitación. Logo estableceuse soa, e chegou durante un tempo, desde vestir ás noivas ata encargarse da organización do evento.
"Non é un peche traumático, porque vaia mal, senón que é momento de facer un cambio de rumbo", apunta, engadindo que mirando ao medio, longo prazo vía "un cúmulo de factores e é certo que cada vez hai menos xente que casa e que os hábitos de consumo nestas cerimonias cambia e aféctannos ao comercio retallista".
Abrir este tipo de negocios non está entre os máis alcanzables: "o investimento é bastante grande. Os vestidos de noiva requiren investir moito", explica María Iglesias, unha das dúas socias de Mady Noivas, quen fala así do número de establecementos que quedan en Pontevedra: "é unha pena para todos. Eu penso que cuantos máis negocios do sector haxa, mellor, conleva máis afluencia e evita que as clientas vaian fora". Peregrina Domínguez, propietaria de Gina Domínguez opina que "as profesións en xeral, como poden ser modistas, ou carpinteiros, etc, están en malos momentos. No meu caso, son filla de modista e manteño esta profesión, pero cada vez somos menos".
Falando de onde son as mulleres que entran nos seus negocios, as tres coinciden nunha circunstancia: o seu maior nicho de clientas non é desta cidade. "Os nosos noivos non eran de Pontevedra, a nosa maior carteira repártese por Galicia", di Natalia.
A Peregrina tamén lle segue sorprendendo este feito que ratifica. María engade: "de Pontevedra hai algunha, pero a maioría das clientas veñen de fóra, tanto noiva como festa. Son da zona do Salnés, de Arousa, do Umia, e mesmo veñen de Vigo. Creo que as noivas buscan a firma, e móvense á cidade onde se traballe con esa firma".
CAMBIOS NAS TENDENCIAS
Falando con todas elas conflúen diversas situacións que evidencian cambios sobre os hábitos tradicionais entre as mulleres que dedicen casar: "véñennos para revender os seus vestidos, ou para arranxar vestidos comprados de segunda man", sinala Natalia da súa experiencia neste establecemento e tamén "vexo que invisten 'xe' no traxe de noiva e logo por internet compran uns zapatos practicamente de plástico".
Peregrina alude a algunhas solicitudes, que por agora non considera sexan tendencias: "non sei se por cambiar ou diferenciarse, pero xa se buscan vestidos de noiva en negro e en cor".
Máis que tendencia, o que é un feito consumado é o detrimento de vodas pola Igrexa: "o 70 ou 80% de nuestas noivas fan cerimonias civís", confirma María Iglesias. Ela non observa que se produciu unha redución da demanda: "noivas hai, pero non se inviste como se investía antes no vestido. Agora moitas piden vestidos baixo custo, ou que sexa outlet. Prefírese investir máis na decoración, no lugar, ou no que ofrecen no propio evento en si".
Relacionadas:
-
Un paso máis na moda das zapatillas nas vodas: Mary di o "si, quero" en Converse personalizadas
Por Natalia Puga |
-
"De Voda Con Nerea" enche de maxia o Recinto Feiral coas súas propostas para vodas e eventos
Por Cristina Saiz & Redacción |
-
Casamentos civís a mancheas na segunda fin de semana de setembro en Pontevedra
Por Anxo Lourido |
-
Pronovias pecha en Pontevedra e remite os seus clientes á tenda de Vigo
Por Redacción |