Marín, lista para a súa Festa Corsaria: "É un orgullo ver que a festa está consolidada"
Por Diego Espiño
A Alameda de Marín foi este mércores escenario da presentación oficial da Festa Corsaria 2024, que se desenvolverá o venres 16 e sobre todo o sábado 17 de agosto .
Será a décimo terceira edición dun evento "que non deixa de crecer" apegado á historia da vila, rememorando a batalla de Aguete do ano 1800.
"Para nós é un orgullo ver que a festa está consolidada, que a xente a ten como referencia", asegurou na presentación, que contou cun espectáculo de lume e malabares, a alcaldesa de Marín, María Ramallo, xunto ao deputado provincial de Cultura, Jorge Cubela, e as concelleiras Marián Sanmartín e Itziar Álvarez.
"O 50% do éxito está no tempo e parece ser que o tempo vai vir bo", avanzou a rexedora esperando unha multitudinaria xornada festiva ao longo do próximo sábado.
Todo iso con "unha programación para todas as idades e que vai gustar", defendeu Ramallo.
O programa da Festa Corsaria, que arrincará o venres 16 e que aínda manterá postos do mercado abertos durante o domingo día 18, é o seguinte:
VENRES, 16 DE AGOSTO
- 19.00 a 00.00h. Apertura do Mercado Corsario. Alameda
- 19.00 a 23.00h. Atraccións infantís artesanais. Alameda e Parque Eguren
- 19.00h. Obradoiros corsarios infantís. Rúa Real
- 20.00h. Animación e pasarrúas (Zancudos humanos / Turdión e Skaldir)
- 21.00h. Recreación histórica "Chegada dos ingleses". Alameda
- 23.00h. Concerto 'Zurrumalla'. Alameda
SÁBADO, 17 DE AGOSTO
- 11.30 a 00.00h. Mercado Corsario. Alameda
- 11.30h. Animación e pasarrúas: Pregoeiros e fanfarrias do S.XVIII / Apertura das bases mariñas cos barcos Corsario Gago de Mendoza (Augusto Miranda) e Inglés (Concello)
- 12.00 a 15.00h. Animación e pasarrúas: Batucadas Axé Baía, Maracumbé e Rebumbio, Charangas Noroeste e Jalácticos, Turdión e Skaldir, Bufóns da corte, Comerciantes, Fauno e Deuses, Compañía Niño Lápiz.
- 11.30 a 21.00h. Granxa Escola (Méndez Núñez), Villa mariñeira de oficios (Parque Eguren).
- 12.00 a 20.00h. Obradoiros: Corsarios infantís (Rúa Sol), Esgrima e tiro con arco (Parque Eguren).
- 12.00 a 21.00h. Animación DJ, Amigos dos Rapaces (Rúa Lameira)
- 13.00h. Exhibicións: Fakir (Alameda), Cetrería (Parque Eguren)
- 13.30h. Desfile Invasión Inglesa
- 16.30h. Espectáculo infantil. Fondo do Saco
- 17.30h. Espectáculo infantil. Alameda
- 18.30h. Exhibicións: Fakir (Praza 8 de marzo), desfile e combate de esgrima (Praza de España), cetrería (Parque Eguren)
- 19.00 a 22.30h. Animación e pasarrúas: Batucadas Axé Baía, Maracumbé e Rebumbio, Charangas Noroeste e Jalácticos, Turdión e Grimorium, Bufóns da corte, Comerciantes, Fauno e Deuses, Compañía Niño Lápiz.
- 20.00h. Recreación histórica Gago de Mendoza. Praza de España
- 21.00h. Entrega de Premios. Praza de España
- 22.00h. Concerto 'BL Pop', Amigos dos Rapaces. Lameira
- 23.30h. Gran desfile Invasión Corsaria. Rúas de Marín
- 00.30 a 03.30h. DJs Jorge Álvarez & Adrián Gold (Rúa Sol)
DOMINGO, 18 DE AGOSTO
- 11:00 a 20:00h. Mercado Corsario. Alameda