Sete novos cursos para o sector pesqueiro impartiranse na Aixola de Marín
Por Redacción
O Centro de Formación A Aixola, dependente da Consellería do Mar, inicia en setembro un novo curso con sete accións formativas e un total de 84 prazas destinadas a alumnos vinculados ao sector pesqueiro.
A formación, que é de carácter gratuíto, impartirase na sede situada no porto pesqueiro de Marín.
Destes cursos poderán beneficiarse persoas operarias da pesca, mariscadoras e mariscadores, cónxuxes destes ou persoas con titulación ou certificado para traballar no sector pesqueiro.
A preinscrición está xa aberta e poderá realizarse a través da páxina web de Aixola.
Os cursos que comezan no mes de setembro pertencen as áreas de instalacións, composites, redes, e madeira. A oferta do centro de formación complétase cun curso online en prevención de riscos laborais (PRL) no sector pesqueiro e con titorías de apoio ao autoemprego e á busca de emprego.
As 1.575 horas de formación programadas repartiranse no curso de confección e mantemento de artes e aparellos (330 horas); electricidade e hidráulica básicas aplicadas ao buque (275 horas); e elaboración e instalación de cubertas de madeira en embarcacións menores e laminado manual en poliéster para pezas de uso en acuicultura e en construción naval, ambos de 300 horas.
A oferta de A Aixola para o vindeiro semestre complétase cos cursos de reparación de embarcación pneumáticas (300 horas), soldadura autóxena (20) e PRL no sector pesqueiro (50 horas).
Relacionadas:
-
As mariscadoras da provincia celebran unha xornada de convivencia na que abordaron os problemas do sector
Por Oskar Viéitez |
-
O Porto de Marín medra un 26% ata o mes de xullo
Por Redacción |
-
Tres graneleiros coinciden no Porto de Marín na descarga de 75.000 toneladas de cereais
Por Redacción |
-
Celebración dun cuarto de século do Centro de Formación A Aixola de oficios do mar
Por Redacción |
-
A Aixola inicia o curso con 40 prazas en tres novas accións formativas para o sector pesqueiro
Por Redacción |