Procura de solucións para axilizar o servizo de ambulancias na área sanitaria
![Anxo](/web/cache/scene/uploads/xornalistas/foto/022/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/6683d39821-a.jpg)
Por Anxo Lourido
![](/web/cache/scene/uploads/fotos/foto/ddd/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66bb5418c4-foto-xuntanza-cig-urxencias-20240813.jpg)
© Área sanitaria de Pontevedra e O Salnés
A dirección da área sanitaria de Pontevedra-O Salnés mantivo este martes, 13 de agosto, unha reunión con representantes do sindicato CIG para analizar situacións específicas que se producen na atención das urxencias hospitalarias do Complexo Hospitalario Universitario de Pontevedra, especialmente no Hospital Montecelo.
Durante o encontro, presidido polo xerente da área sanitaria, José Flores Arias, confirmouse que non se implementou ningún novo protocolo nos procesos de recepción de pacientes para atencións urxentes no hospital de Montecelo.
Destacouse a colocación dunha nota informativa para ordenar o acceso a un espazo reducido no servizo de urxencias, co obxectivo de evitar aglomeracións e garantir a intimidade dos pacientes e profesionais, especialmente en momentos de alta demanda, cando se superan os 230 pacientes nunha soa xornada.
A problemática concreta xorde cando os pacientes trasladados en ambulancias de Soporte Vital Básico (SVB) teñen que esperar para ser atendidos na triaxe, seguindo os protocolos do sistema de Triaxe Mánchester, que clasifica e prioriza a atención dos pacientes segundo a gravidade.
Na reunión acordouse revisar e optimizar os circuítos asistenciais para mellorar a recepción dos pacientes trasladados en ambulancias de soporte vital básico, buscando unha maior axilidade no servizo e evitar que as ambulancias permanezan paradas á espera de pacientes.
Xavier Aboi, representante da CIG, agarda que estes acordos entren en funcionamento canto antes para evitar que as ambulancias permanezan paradas durante longos períodos de tempo de espera de pacientes.
Relacionadas:
-
En setembro entrará en funcionamento a nova base da ambulancia medicalizada no Hospital do Salnés
Por Anxo Lourido |
-
Dispositivos especiais de seguridade supervisarán as Festas de San Roque
Por Redacción |
-
Denuncian impago de Ambulancias Civera ao persoal tras deixar o servizo de traslado na área sanitaria
Por Anxo Lourido |
-
Ambulancias de Pontevedra, empresa escollida ata outubro para realizar o servizo de transporte na área sanitaria
Por Anxo Lourido & Mónica Patxot |