TéKeRe achégase ao xornalismo dixital cunha visita a PontevedraViva
Por Redacción
A semana festiva comezou con bulicio na redacción de PontevedraViva, o que trouxeron consigo os nenos e nenas que este verán gozan das súas mañás en TéKeRe. Con motivo doutra das actividades previstas, coñeceron o exercicio da profesión xornalística e concretamente en como se traballa nun xornal e unha radio dixital.
Nunha primeira parte da visita aprenderon que é un xornal dixital, que contidos ten unha publicación destas características, ou que profesionais traballan nunha redacción. Mostraron ser curiosos lanzando unas cantas preguntas sobre o xornalismo.
Seguidamente foi o momento de achegarse aos micrófonos a través de PontevedraViva Radio. Aprender que é unha radio convencional e unha radio dixital, que é un programa en directo e un programa gravado, ou que é un podcast. Fixeron a súa primeira incursión como locutores gravando un podcast. Foron tomando substitución para ler un conto, que se pode reproducir dando ao play.
Este grupo de invitados teñen entre sete e doce anos de idade.