Cheo total en Soutomaior para gozar de La Misión, referente no sector das orquestras
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Torreiro da Feira do Dez en Candán encheuse na noite deste luns con milleiros de persoas que gozaron dunha das citas máis multitudinarias da I Semana Grande de Soutomaior, a actuación da orquestra La Misión.
Desde o Concello destacan que esta orquestra é unha das 5 mellores de España e chegou a Soutomaior con 19 artistas entre acróbatas, cantantes e músicos.
Un espectáculo de 120.000 vatios, 400 metros de pantallas led, 500 robots, láser e pirotecnia, 44 metros de escenario e unha pasarela de 8 metros levou ata Candán a persoas de todo o municipio e dos concellos da comarca.
La Misión ofreceu dous pases, un de preto de dúas horas entre as 22.30 e o espectáculo pirotécnico de luces das 00:15 e un segundo de 00:30 a pasadas as dúas da mañá.
Para a ocasión, o Concello puxo en marcha un bus lanzadeira que resultou "un éxito". Tamén poderá usalo as persoas que decida achegarse ata a festa este martes, con horario de 21.30 a 23.30 e de 00:00 a 2:30 horas, con saída na rotonda da Montesiña ata a Candán. O percorrido do bus será continuo de ida e volta nos horarios indicados.
A I Semana Grande de Soutomaior vive este martes 6 de agosto un día especial, ao coincidir con festivo local. Pola mañá, con sesión vermú con `Balbuena & Seoane´ na contorna da Igrexa do Divino Salvador e pola tarde, con procesión, concerto da Banda Artística de Arcade ás 20:30 horas e verbena co directo da orquestra Cinema no Torreiro da Feira do Dez en Candán.
A Semana Grande remata este mércores 7 coa Romaría de San Caetán e cunha sesión vermú na Ermida de San Caetano no Castelo de Soutomaior.
Relacionadas:
-
O PP de Soutomaior critica a inacción do goberno local
Por Redacción |
-
Balance exitoso da I Semana Grande de Soutomaior
Por Redacción |
-
Segue rebulindo a I Semana Grande de Soutomaior
Por Redacción |
-
A Semana Grande de Soutomaior arranca este venres
Por Redacción |
-
Soutomaior prepárase para unha Semana Grande "de primeiro nivel"
Por Redacción |