Aprobadas as axudas para financiar a atención ao público nas oficinas de turismo da rede provincial
Por Redacción
A Xunta de Goberno da Deputación de Pontevedra custeará con 230.000 euros a contratación de persoal para a atención ao público nas oficinas de turismo da Rede de Info Rías Baixas.
Así o aprobou este venres o órgano de goberno da institución provincial.
En concreto segundo sinalou o presidente da Deputación, Luis López, "queremos contribuír á profesionalización do sector", ofrecendo 26 axudas aos concellos de entre 7.000 e 14.000 euros para custear este servizo.
Entre os municipios que accederán á subvención atópanse A Illa de Arousa, Bueu, Cambados, Marín, Meaño, O Grove, Poio, Ribadumia, Sanxenxo, Vilagarcía e Vilanova de Arousa.
INVESTIMENTOS DO PLAN + PROVINCIA
Entre os asuntos tratados na Xunta de Goberno un municipio da comarca do Salnés, Cambados, recibirá preto de 270.000 euros con cargo ao Plan + Provincia.
No seu caso estas partidas servirán para financiar melloras de saneamento, obras no Pazo de Torrado e arranxos no campo de fútbol de Burgáns.
Relacionadas:
-
O turismo en Sanxenxo, máis aló de xullo e agosto: pechan o segundo mellor xuño da súa historia
Por Redacción |
-
A Deputación mobilizará preto de 3,2 millóns de euros para patrimonio, servizos a concellos, cultura, turismo, medio natural e acción comunitaria
Por Almu Dapena |
-
Máis de 2.000 prazas en spas e balnearios para maiores de 55 anos
Por Almu Dapena |
-
Reforzo na atención turística de Poio durante o verán
Por Redacción |
-
A Deputación lanza unha liña de axudas para fomentar a actividade turística baseándose en eventos deportivos
Por Oskar Viéitez |