O emprendemento volverá ter unha cita o 20 e 21 de setembro na Praza de España
Por Mónica Patxot & Redacción
A iniciativa de apoio ao emprendemento denominada Pont-Up Store chega á súa undécima edición, que volverá ter como escenario a Praza de España os días 20 e 21 de setembro.
Este xoves presentábase no Concello de Pontevedra a través da concelleira de Promoción Económica, Anabel Gulías; o secretario xeral de Apoio ao Emprego, Traballo Autónomo e Economía Social, Pablo Fernández; o vicepresidente da Deputación, Rafa Domínguez; a vicerreitora do campus de Pontevedra, Eva Lantarón e o promotor desta proposta Pedro Figueroa.
O prazo para presentar candidaturas para instalar unha caseta gratuíta no evento permanecerá aberto ata o venres 5 de xullo.
A principal iniciativa é a posta en marcha da Pont-Up Venture coa intención de captar proxectos máis tecnolóxicos cun xurado representado por persoal de financiamiento de starup como Alba Pombo ou Pablo Campos destinado a que seis empresas capten financiamento.
Segundo adiantou Figueroa instalaranse preto de corenta empresas e a programación centrarase en tecnoloxía e financiamiento tratando tamén temas de ciberseguridade e de Intelixencia Artificial como elementos de oportunidades para proxectos emprendedores actuais.
Nesta edición tamén haberá unha dedicación especial á economía social como sector a potenciar. Ademais realízanse accións de apancamento para dar oportunidade de promover determinados proxectos. Este ano será Voces Ocultas a iniciativa escollida, que encabeza a empresa Bonobo.
Pola súa banda, Anabel Gulías destacou que, segundo os datos recolleitos durante a reunión do Consello Económico e Social, Pontevedra ofrece bos datos en canto a estabilización de censo empresarial situándose entre as primeiras cidades españolas en manter o número de empresas creadas.
Pablo Fernández, en representación da Xunta de Galicia que estará presente a través de tres consellerías, incidiu en que Galicia é unha rexión emprendedora, primeira comunidade española con porcentaxe de traballadores activos autónomos, máis dun 20%, e figura na quinta posición de mellores creacións de starups.
Rafa Domínguez agradeceu a colaboración de tres institucións como Concello, Deputación e Xunta para poñer en marcha un evento "pioneiro e visionario", mentres que Eva Lantarón, en representación da Universidade de Vigo, destacou a relevancia das once edicións do evento apuntando á súa importancia nacional e internacional.
Relacionadas:
-
PODCAST.- Primeira falacia sobre emprendemento: "Monta o teu negocio para facer o que che gusta"
Por Marisa Ciordia |
-
Interésache o emprendemento empresarial? A Xunta distribúe microguías de asesoramento
Por Redacción |
-
Regresan as charlas do alumnado do Programa de Maiores ás cafetarías de Pontevedra e Vigo
Por Redacción |
-
Tarde de graduacións no campus
Por Redacción |
-
O Plan +Provincia da Deputación destina 2,4 millóns de euros a nove concellos
Por Oskar Viéitez |
-
200 persoas participarán na gala do Premio Xove Empresario que se celebrará no Pazo de Colón
Por Mónica Patxot & Anxo Lourido |
-
Galiwonders e Sembra Biojoyas triunfan nos premios AJE 2023
Por Redacción |