Trece ofertas compiten por executar a senda que unirá Mollavao con Os Praceres
Por Redacción
A Xunta de Galicia recibiu trece ofertas para executar a obra da senda que unirá Pontevedra con Marín, na coñecida como a estrada vella de Marín, entre Mollavao e Os Praceres.
Esta intervención, licitada por preto de 6,3 millóns, permitirá habilitar un itinerario de 3,5 quilómetros de lonxitude pola marxe dereita da PO-546, cun ancho que oscila entre os 2,5 e os 4 metros, que se complementará cun aparcadoiro, un miradoiro e un parque infantil.
A actuación, que conta cun prazo de execución de dezaoito meses, prestará especial coidado á seguridade e obrigará a reducir a velocidade dos vehículos, grazas á glorieta que se construirá á altura do Centro de Investigacións Forestais de Lourizán.
Esta glorieta facilitará, ademáis, o cambio de sentido dos vehículos que proceden de Marín e que queren acceder ao aparcadoiro disuasorio que se está construíndo apoiándose na traza da propia senda, na contorna do quilómetro 2+800 da PO-546.
Na obra incluirase a mellora tamén das paradas de transporte público, así como na renovación da iluminación do treito e a construción de dúas pasarelas, unha de máis de 120 metros sobre o rego de Louriñas e outra de 45 metros sobre O Sartán.
Relacionadas:
-
As obras de construción da senda entre Mollavao e Os Praceres comezarán en outono
Por Redacción |
-
A Xunta licita por preto de 6,3 millóns de euros a obra da senda Mollavao-Praceres
Por Oskar Viéitez |
-
As obras para dar forma á nova estrada PO-546, entre Mollavao e Os Praceres, comezarán en outono
Por Alejandro Espiño |
-
O novo aparcamento disuasorio na estrada PO-546 xa está en obras
Por Redacción |