O PP quere que a Moureira sexa declarada Área de Rehabilitación Integral
Por Oskar Viéitez
O grupo municipal do Partido Popular defenderá unha moción no pleno de xuño para que o Concello de Pontevedra comece os estudos e trámites necesarios para solicitar ao Instituto Galego de Vivenda e Solo que declare ao barrio da Moureira como Área de Rehabilitación Integral (ARI).
Segundo explicou o concelleiro do PP, Iago Acuña, o obxectivo é "afianzar a poboación que vive na Moureira", permitindo que se poidan acoller a axudas económicas para mellorar a estrutura ou a eficiencia enerxética das súas vivendas.
Doutra banda, con esta iniciativa tamén se busca "incentivar o mercado inmobiliario para que novos compradores poidan restaurar e mellorar as edificacións existentes", expuxo.
O PP asegura que esta zona do centro urbano é "un dos barrios que sufriu un declive considerable" e considera que "o Concello debe facer todo o que estea na súa man para conservar todo o patrimonio edificado na Moureira".
Relacionadas:
-
O alugueiro, a compravenda ou as vivendas turísticas na zona urbana de Pontevedra, a estudo
Por Diego Espiño |
-
Un pleno de consenso: "Hai moitas cousas que nos unen para o ben dos veciños"
Por Alejandro Espiño |
-
O PP traslada á veciñanza de San Roque a súa iniciativa para declarar ARI o barrio e asfaltar Ribeira dos Gafos
Por Redacción |
-
O apoio do PP á modificación de crédito pasa por melloras na Parda, A Seca, A Moureira ou Monte Porreiro
Por Alejandro Espiño |
-
Falta de limpeza, fochancas e abandono, principais denuncias do PP ao visitar o barrio de San Roque
Por Redacción |