Axentes da Policía identifican unha moza por varios furtos en diferentes tendas
Por Redacción
Axentes da Policía Nacional da Comisaría Provincial de Pontevedra procederon á identificación dunha moza de 25 anos de idade, natural de Carballo (A Coruña), como presunta autora de varios furtos en diferentes establecementos comerciais de Pontevedra.
Os feitos sucederon na tarde do día 22 de febreiro. A responsable dun establecemento comercial da rúa Benito Corbal, advertiu a unha patrulla da Policía Nacional que sorprendera a instantes antes tres mulleres no interior da tenda das que sospeitaba que lle subtraeran diferentes efectos do expositor do establecemento por un valor de 200 euros.
Os axentes solicitaron datos das mulleres e iniciaron un dispositivo de busca para tratar de localizalas.
Ás 19.30 recibiuse unha nova chamada alertando da presenza dunha moza cuxas características físicas se correspondían cunha das mozas anteriores polo que os axentes se dirixiron a un establecemento sito na rúa Daniel de la Sota.
Unha vez no lugar os policías identificaron a moza que portaba unha bolsa en cuxo interior había pezas de diferentes establecementos da zona (dous pantalóns, unha camiseta, un neceser e unha bolsa deportiva).
De todo iso a moza non puido acreditar a súa procedencia polo que os axentes procederon á incautación dos obxectos e trasladaron a muller a dependencias policiais onde foi identificada e se lle fixo entrega dunha citación para a celebración dun xuízo rápido por falta.
Os axentes incautáronlle ademais uns alicates, obxecto xa intervido polos axentes noutras ocasións.