Entra en servizo a nova senda de Tenorio, que completa un itinerario peonil de 2,1 quilómetros
Por Redacción
A nova senda peonil de Tenorio, en Cerdedo-Cotobade, xa entrou en funcionamento. A conselleira de Vivenda e Planificación de Infraestruturas, María Martínez Allegue, e o alcalde, Jorge Cubela, percorreron a vía este martes na súa estrea e destacaron as melloras que supón esta nova vía.
A nova senda, de 600 metros, completa a humanización levada a cabo na travesía de Tenorio ao longo de 2,1 quilómetros nos que se habilita un itinerario peonil seguro.
Toda a actuación supuxo un investimento de 1,3 millóns de euros, 440.000 euros esta nova senda que acaba de estrearse. Foron financiados pola Xunta (70%) e polo Concello (30%).
María Martínez Allegue destacou a colaboración entre a Xunta e o Concello para levar a cabo a nova actuación, que "permite á veciñanza deste municipio dispoñer xa dunha mobilidade peonil segura e accesible ao longo de toda a vía", na que se sitúan os principais puntos de referencia desta parroquia: o mosteiro, o centro de saúde, o centro sociocultural e diferentes establecementos comerciais.
A conselleira destacou: "apostamos por estas sendas seguras, que proporcionan un espazo separado para peóns e supoñen unha alternativa de mobilidade máis sostible".
Os traballos executados incluíron a demolición das beirarrúas anteriores para a súa substitución por outras máis anchas e accesibles, ademais da mellora da iluminación e o soterramento de parte das conducións aéreas, a instalación de pasos de peóns iluminados e a mellora das redes de saneamento e pluviais.
Relacionadas:
-
Mellora da accesibilidade na rede interior de camiños de Filgueira
Por Redacción |
-
O Concello ofertarlle á Xunta sete parcelas diferentes para a construción de vivenda de promoción pública
Por Oskar Viéitez |
-
Invisten 500.000 euros para finalizar a humanización da travesía interior de Tenorio
Por Redacción |
-
Cubela presume dos "moi proveitosos" 100 primeiros días de goberno, nos que mobilizou máis de 1,2 millóns de euros
Por Redacción |
-
88 millóns para Pontevedra nos orzamentos da Xunta para 2023
Por Alejandro Espiño |
-
Unha nova senda en Tenorio comunica a Galiña Azul e o Instituto
Por Redacción |