O BNG pide ao Concello que actúe contra a vertedoiro de Raxó
Por Oskar Viéitez
A portavoz do BNG, Marga Caldas, reiterou este martes na Comisión de Urbanismo as queixas dos veciños da rúa de la Iglesia de Raxó, solicitando a limpeza e retirada dos residuos acumulados nunha leira lindeira ás vivendas, situada no camiño da Igrexa e a PO-308.
O BNG afirma que esta situación esta a provocar unha "gran preocupación" entre a veciñanza da zona dado que están a sufrir un "problema de salubridade que vai en aumento dado que a parcela está a converterse nun vertedoiro".
Esta situación foi comunicada ao Concello de Poio o pasado 19 de marzo e reiterada na pasada Comisión do día 2 de abril, na que o edil de Medio Ambiente afirmaba que se estaban retirando os residuos do terreo.
Marga Caldas asegurou que "a día de hoxe, a pesar das afirmacións do concelleiro delegado, seguen depositando todo tipo de residuos na parcela".
A portavoz nacionalista manifestou que "o goberno local non sabe si o titular foi requirido", uns feitos que, ao seu xuízo, "demostran a falta de atención e deixamento do goberno do PP de Poio respecto da veciñanza de Raxó".
Ante este "claro abandono e inacción do equipo de goberno de Ángel Moldes", desde o BNG instan o goberno local a que exerza as súas obrigas en materia de medio ambiente, "dado que existen ferramentas legais para poder solucionar esta situación".
Relacionadas:
-
Barro recibe as primeiras inspeccións do novo servizo de vixilancia e control da xestión de residuos
Por Redacción |
-
Poio ampliará a rede de pluviais no camiño de Cachafeiro, no Xuviño
Por Redacción |
-
Comezan os traballos para facer accesible o paso peonil inferior da Ponte da Barca
Por Oskar Viéitez |
-
Acuaes espera terminar a mellora do saneamento en Sanxenxo e Poio en setembro de 2025
Por Oskar Viéitez |
-
Once espectáculos integrarán "Zona de obras", o ciclo de artes escénicas de Poio
Por Redacción |
-
Adeus ás filtracións de auga no ximnasio do colexio Espedregada, en Raxó
Por Redacción |
-
Queixas veciñais en Raxó pola instalación de tubaxes que desembocan na beirarrúa
Por Anxo Lourido |