Alta participación de comparsas e grupos no desfile do Entroido en Poio
Por Redacción
Desde distintos puntos da provincia como Soutomaior, Sanxenxo, Gondomar, Meis ou Pontevedra achegáronse comparsas e grupos para participar no Desfile de Entroido do municipio de Poio.
Segundo o Concello, o novo percorrido de menor distancia que en anos anteriores e o horario matinal foi decisivo para atraer outras agrupacións e persoas con ganas de mostrar os seus disfraces a todo o público que asistiu á cita.
Os Canecos, As Sonecas, 100Tolos e Grupos de Entroido de Samieira participaron como comparsas, ás que se sumaron as invitadas de Os Retrincos, Os Miúdos, Politicamente Incorrectos, Cor Café e Os da Caña.
O percorrido realizábase entre a Biblioteca Municipal e a Praza da Granxa e, durante o traxecto, os colectivos participantes mostaron o seu humor e realizaron bailes.
A choiva fixo presenza nalgúns momentos do desfile. Finalmente, os participantes gozaron dunha sesión vermut con animación musical de D Due. Neste encontro final repartíanse os 4.450 euros de premios para esta edición.
Relacionadas:
-
Bágoas polo Entroido de Poio, que se despide co enterro do Galo Fodorico
Por Redacción & Cristina Saiz |
-
Diversión para todos os públicos nos desfiles de Entroido en Sanxenxo
Por Redacción |
-
Cor, música, animación e moito baile na primeira Pasarela de Entroido de Poio
Por Redacción |
-
O Entroido de Poio celébrase esta fin de semana
Por Redacción |
-
Aprazado o Entroido de Poio para o venres 1 e sábado 2 de marzo
Por Oskar Viéitez |