O pleno municipal abordará a humanización integral do barrio da Seca
Por Redacción
Ante o "abandono absoluto" que o PP aprecia no barrio da Seca, os populares impulsaron unha moción que se debaterá no pleno municipal deste luns para instar o goberno local a abordar unha humanización integral de todo este ámbito urbano.
Este asunto, previsiblemente, será aprobado por unanimidade, xa que tanto BNG como PSdeG-PSOE, votaron a favor na comisión informativa.
O plan proposto polo PP, segundo recolle o texto desta iniciativa, reclama que se arranxen todas as beirarrúas que presentan baldosas rotas e todas as rúas que teñen fochancas, que se roce o barrio ou que se arranxen os patios comúns das casas de titularidade municipal.
Ademais, a moción pide que se limpen as rúas, que se cambien os colectores rotos, que se incremente o número de papeleiras, que se mellore as canalizacións ou que se pinten as liñas separadoras das prazas de aparcadoiro, entre outras cuestións.
O PP tamén quere instar o goberno municipal a que se retome o proxecto proposto no seu día para as cubertas da vía ferroviaria que foron cedidas por ADIF, que incluía a creación de diversas zonas de lecer e equipamento deportivo.
Os socialistas de Iván Puentes, pola súa banda, presentaron unha emenda a esta moción esixindo que tanto a Xunta de Galicia como o Concello "deixen de botar balóns fóra" e se comprometan coa urbanización e humanización do barrio".
Así, instan o goberno galego a urbanizar e recuperar para uso público as cubertas cedidas por ADIF, integrándoas no proxecto da Vía Verde entre a estación de tren de Pontevedra e o límite con Barro, actuación incluída no Plan de Sustentabilidade Turística en Destino.
Ao executivo municipal solicítanlle tamén ampliar e renovar o parque infantil do barrio e urbanizar e humanizar, segundo os estándares do resto da cidade, a rúa da Seca, desde o seu inicio ata a rúa Francisco Añón, para mellorar a seguridade peonil e ciclista.
Relacionadas:
-
Lea municipal entre PP e PSOE con cualificativos de "histérica" ou "machista" e alusións ao caso Koldo
Por Oskar Viéitez & Mónica Patxot |
-
Demanda socialista dunha rede de aseos inclusivos accesibles durante as 24 horas en Pontevedra
Por Redacción |
-
Cinco entidades da discapacidade piden a instalación dun gran cambiador inclusivo en Pontevedra
Por Redacción |
-
A Seca, punto de inicio das visitas aos barrios do PP local
Por Redacción |
-
Pontevedra amplía a súa rede de aseos para persoas con ostomía con novos baños inclusivos no CIM e no Provincial
Por Manu Otero |
-
Domínguez: "No vamos a permitir que, por el cabreo del BNG, no se hagan las inversiones previstas en Monte Porreiro"
Por Anxo Lourido |
-
O PSOE promete convertir a pasarela da Seca nun novo parque
Por Redacción |