![](/web/cache/scene/uploads/fotos/foto/fbe/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/65ca0e4953-img_3464.jpg)
© PontevedraViva
Concentracións en repulsa dos asasinatos de dous gardas civís en Barbate
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
![](/web/cache/scene/uploads/fotos/foto/432/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65ca0e2ce6-img_3460.jpg)
© PontevedraViva
![](/web/cache/scene/uploads/fotos/foto/1d0/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65ca0e73bf-whatsapp-image-2024-02-12-at-12.09.47.jpeg)
© Concello de Marín
![](/web/cache/scene/uploads/fotos/foto/321/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65ca122259-20240212-minuto-de-silencio-en-pontevedra-1-.jpeg)
© PP de Pontevedra
Municipios de toda a provincia acolleron este luns actos de recordo aos dous gardas civís que perderon a vida este venres 9 de febreiro pola noite en acto de servizo cando foron arroiados por unha narcolancha no porto de Barbate.
No caso de Pontevedra, houbo unha concentración silenciosa fronte á Casa do concello, outra fronte ao Pazo Provincial, sede da Deputación, e unha terceira diante da sede provincial do PP. Todas foron ás doce do mediodía.
Na da Praza de España participaron o coronel xefe da Comandancia da Garda Civil de Pontevedra, Simón Venzal, e o comisario provincial da Policía Nacional, Juan José Díaz, entre outras autoridades e cargos públicos.
Tal e como sinalou o alcalde da capital, Miguel Anxo Fernández Lores, trátase dunha mostra de apoio e solidariedade coas familias dos gardas civís "asasinados" e en recoñecemento ao gran labor realizado polos membros dos Corpos e Forzas de Seguridade do Estado e "denunciando o nivel intolerable de violencia que hai ao redor do narcotráfico, que é unha lacra que temos que combater todos".
"Aquí en Galicia sabemos moito de narcotráfico e de como destrúe sociedades ao longo dos anos", engadiu.
O presidente e candidato do PPdeG, Alfonso Rueda, participou nun minuto de silencio celebrado diante da sede provincial do Partido Popular en Pontevedra para "mostrar o seu apoio e solidariedade coas familias dos gardas civís falecidos e recoñecer, ao mesmo tempo, o gran labor realizado polos membros dos Corpos e Forzas de Seguridade do Estado".
Estes actos de recordo foron convocados pola Federación Española de Municipios e Provincias (FEMP).
Un dos axentes falecidos é Miguel Ángel Gómez. Tiña 39 anos e pertencía ao Grupo Especial de Actividades Subacuáticas (GEAS) e deixa viúva e unha filla. O outro garda civil falecido, David Pérez, era axente do Grupo de Acción Rápida (GAR). Tiña de 43 anos e nacera en Barcelona. Estaba casado e tiña dous fillos.
No suceso quedaron tamén feridos outros dous axentes, un deles de gravidade.
Oito persoas foron detidas polos feitos, entre os que se atopa o piloto da embarcación que provocou os feitos.
Concentracións en repulsa dos asasinatos de dous gardas civís en Barbate
Municipios de toda a provincia acolleron este luns actos de recordo aos dous gardas civís que perderon a vida este venres 9 de febreiro pola noite en acto de servizo cando foron arroiados por unha narcolancha no porto de Barbate