Desfile do Entroido de Pontevedra 2024
© Cristina Saiz
VÍDEO.- Un desfile de Entroido a proba de choiva
![](/web/cache/scene/uploads/fotos/foto/fd7/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65c7e2e22a-20240210-saiz-rua-jose-malvar-carnavales-desfile-095.jpg)
© Cristina Saiz
![](/web/cache/scene/uploads/fotos/foto/877/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65c7e2c1ba-20240210-saiz-rua-jose-malvar-carnavales-desfile-023.jpg)
© Cristina Saiz
![](/web/cache/scene/uploads/fotos/foto/cfd/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65c7e2c5ba-20240210-saiz-rua-jose-malvar-carnavales-desfile-055.jpg)
© Cristina Saiz
Foron días de incerteza cun mapa meteorolóxico nada esperanzador para a fin de semana, pero finalmente o Entroido de Pontevedra venceu á choiva para sacar adiante un dos puntos principais da súa programación, o seu tradicional desfile de disfraces, que encheu de cor e diversión as rúas da cidade.
Houbo que esperar ata pasadas as 11.00 horas da mañá deste mesmo sábado para ter a confirmación oficial de que o desfile se mantiña, ante unha previsión que avanzaba unha lixeira melloría durante as horas previstas do desfile.
Bastou para que os pontevedreses saísen en masa á rúa para demostrar por que o seu é un dos mellores entroidos urbanos de Galicia.
E iso que un ballón facía dubidar os máis optimistas cando pasadas as 16.00 horas as agrupacións, comparsas e resto de participantes empezábanse a concentrar na Rúa José Malvar.
A billa pechou, e salvo algunha pinga intermitente, terminou respectando o percorrido mesmo con momentos nos que se adiviñaba o ceo azul e brillaba algún que outro raio de sol. Así empezou a desfilar a comitiva festiva pola rúa Loureiro Crespo cando o reloxo xa marcaba as 17.15 horas.
A partir, o bo humor, fantasía, cor e música contaxiaron aos miles de pontevedreses que enchían o percorrido por Loureiro Crespo, Benito Corbal, Praza da Peregrina, Michelena e Praza de España ata chegar á Alameda.
Ao ritmo das comparsas uníronse disfraces de todo tipo e entre os que non faltou como sempre a crítica local para arrincar os sorrisos do público.
Superado o desfile, o Entroido de Pontevedra mira agora cara ás súas próximas citas o luns 12 de febreiro, cun obradoiro de máscaras ás 17.00 horas na Praza de Curros Enríquez e sobre todo coa presentación do Loro Ravachol na Praza da Peregrina (19.30 horas) e coa primeira eliminatoria do XXXII Concurso de Murgas no Pazo da Cultura (21.00 horas).
Desfile de disfraces do Entroido 2024 de Pontevedra
Foron días de incerteza ante un mapa meteorolóxico nada esperanzador para a fin de semana, pero finalmente o Entroido de Pontevedra venceu á choiva para sacar adiante un dos puntos principais da súa programación, o seu tradicional desfile de disfraces
© Cristina Saiz
Relacionadas:
-
A peluquería do Equipo Já gaña as Murgas 2024
Por Natalia Puga |
-
O Pazo da Cultura, a rebordar na primeira eliminatoria do Concurso de Murgas
Por Diego Espiño & Mónica Patxot |
-
Ravachol súmase á loita contra os eólicos: "Que non nos rouben tamén o vento"
Por Natalia Puga & Mónica Patxot |
-
Chegan as Murgas! Estes son os horarios, participantes e orde de actuación do concurso
Por Diego Espiño |
-
O mercado ambulante de 'Vamos a todo' convence o xurado: Coñece os premiados no desfile de Entroido
Por Diego Espiño |
-
Pontevedra mantén o desfile de Entroido
Por Diego Espiño |
-
VÍDEO.- A Murga do Naveiro inaugura o Entroido "contra vento e marea"
Por Diego Espiño & Mónica Patxot |
-
'Os de sempre', decanos do Entroido de Pontevedra, din adeus a 56 anos de historia
Por Natalia Puga & Mónica Patxot |
-
Haberá "carnaza" e unha homenaxe a Castelao no programa do Entroido pontevedrés 2024
Por Mónica Patxot & Anxo Lourido |