Cruz Vermella celebrou un entroido interxeracional con superpoderes na residencia de Campolongo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O entroido non entende de idades e esa é a máxima que presidiu este pasado xoves 8 de febreiro a iniciativa realizada por Cruz Vermella na residencia de Campolongo.
A través do programa de maiores e contando tamén con Cruz Vermella Mocidade celebrouse unha festa de entroido interxeracional.
Un centenar de persoas, entre maiores, mozos e mozas, nenos e voluntarios de Cruz Vermella celebraron estas datas cunha festa cuxos disfraces tiñan como temática os superpoderes. Houbo merenda, bailes, photocall e a animación correu a cargo da comparsa Os Solfamidas de Campo Lameiro.
Con iniciativas como esta, Cruz Vermella busca promover a participacion na vida social das persoas maiores, combater a soidade non desexada, fortalecer vínculos entre quen participa, así como o intercambio interxeracional.
No último ano, e dentro da comarca de Pontevedra, Cruz Vermella atendeu a máis de 180 persoas co programa de maiores, que conta con financiamento da Xunta.