Un centenar de persoas pasean polo monte para difundir o patrimonio natural que "arrasará" a autovía A-57
Por Oskar Viéitez
Máis de cen persoas déronse cita na primeira das camiñadas divulgativas para poñer en valor o patrimonio natural afectado polo trazado da autovía A-57 nas parroquias de Bora e Xeve.
O micólogo Jaime Blanco guiou este paseo organizado pola plataforma contra a A-57 e mostrou aos participantes unha variedade micolóxica única no mundo, Lentinellus pontevedrensis, que só se identificou na zona da Cardosa, en Bora, e que "desaparecía se leva a cabo a polémica infraestrutura". O experto identificou outros tres fungos propios da provincia e dúas especies raras que se sitúan na paraxe onde se proxectan as obras.
O roteiro micolóxico é a primeira das actividades divulgativas abertas á cidadanía que organiza a plataforma contra a A-57 que ten previsto seguir con outros roteiros guiados por expertos "para dar a coñecer os prexuízos de levar a cabo esta obra que arrasaría con boa parte do territorio rural e forestal do municipio de Pontevedra e que supoñería a destrución de 6.000 metros cadrados de territorio Rede Natura nas inmediacións do río Lérez".
Tras conseguir o apoio unánime da corporación de Pontevedra para revisar o trazado do segundo tramo da autovía, a plataforma asegura que seguirá traballando, co apoio dos veciños de Xeve e Bora, "para defender o territorio rural".
Relacionadas:
-
Unha 'andaina' e camelias para reivindicar un rural libre da autovía A-57
Por Redacción & Cristina Saiz |
-
Comeza a campaña 'Salva o río Lérez. Stop A-57' para acadar 9.500 euros que freen o tramo A Ermida-Pilarteiros
Por Mónica Patxot & Anxo Lourido |
-
O primeiro treito da A-57, entre Vilaboa e A Ermida, abrirá ao tráfico antes de final de ano
Por Alejandro Espiño & Mónica Patxot |
-
A veciñanza de Vilaboa traslada as súas peticións para mellorar na canalización das augas pluviais da A-57
Por Redacción |
-
Apoio unánime do pleno da Deputación para buscar un trazado con menos impacto para a A-57
Por Oskar Viéitez & Mónica Patxot |
-
O subdelegado do Goberno reprocha veladamente a Ana Pastor o seu "ton crítico" coa A-57
Por Redacción | Creada e actualizada
-
Pontevedra pide estudar "alternativas" para que a A-57 sexa "menos lesiva" en Xeve e Bora
Por Alejandro Espiño & Mónica Patxot |
-
Os nenos de Xeve e Bora escriben aos Reis Magos: "El regalo más bonito es que no hagan la A-57"
Por Natalia Puga |
-
"Non pedimos un cambio de trazado, pedimos que se desbote por completo a autovía A-57"
Por Oskar Viéitez & Mónica Patxot |