Aprobada a adhesión de Sanxenxo ao programa de reciclaxe a través da planta de Sogama en Vilanova
Por Redacción
O pleno extraordinario celebrado en Sanxenxo este venres 29 serviu para aprobar a incorporación do municipio ao programa de reciclaxe a través da planta de compostaxe que Sogama instalou en Vilanova de Arousa e que se atopa en funcionamento desde novembro.
A medida foi apoiada polos grupos municipais do PP e do PSOE, coa abstención do BNG.
Paula Martínez, concelleiro de Economía, Facenda e Persoal, manifestou que con esta decisión se busca reciclar mellor cumprindo coa directiva europea en materia de residuos orgánicos e, ao mesmo tempo, aforrar 18 euros por tonelada deste lixo orgánico.
Sanxenxo xera como media 11.000 toneladas ao ano e, desta forma, aforraríanse 200.000 euros anuais, segundo a edil.
Habilitáronse contedores marróns en nove illas de residuos e está en marcha un plan piloto de recollida nalgúns establecementos.
O BNG manifestou durante a sesión plenaria que a decisión do goberno local débese "unicamente para evitar sancións de Europa". Criticou que se manteñan pechados e abandonados tres dos catro composteiros comunitarios do municipio.
O pleno tamén aprobou o convenio de colaboración coa Deputación para retirar vehículos abandonados e a proposta de Alcaldía de delegar no Oral as competencias de xestión tributaria, recadación e inspección da taxa polo aproveitamento especial de dominio público local por instalacións de transporte de enerxía.
Relacionadas:
-
A recollida porta a porta de residuos orgánicos aos grandes produtores de Sanxenxo está a ter un 0% de impropios
Por Oskar Viéitez |
-
Ravella reparte 400 composteiros individuais e pon en marcha o préstamo de biotrituradoras
Por Redacción |
-
Os escolares de Poio demostran en Sogama os seus amplos coñecementos sobre reciclaxe
Por Redacción |
-
Investimento de 160.000 euros para ampliar o Punto Limpo de Sanxenxo
Por Redacción |
-
A implantación do contedor marrón, prioridade para Sogama e os concellos
Por Redacción |
-
Sanxenxo reforzará a vixilancia para acabar coas verteduras incontroladas
Por Redacción |