Rumboia #159: Os Rosales
Mar | 20:30 | 20:42
Os Rosales foi un grupo de música tradicional galega creado en Asados, Rianxo, na década dos 50. Foi fundado por Xosé Romero, que adicou toda a súa vida á música tradicional, non so compoñendo e tocando, se non tamén cunha grande bagaxe didáctica. Implicou dende un principio a toda a súa familia, comezando pola súa inseparable Maruxa Miguéns. Xuntos percorreron, escenarios, torreiros, procesións e alboradas de todo o noso país. Foron pioneiros e precursores á hora de integrar á unha muller no cuarteto, sen dúbida, algo excepcional na época.
No grupo Os Rosales, Maruxa presentaba as pezas, cantaba e tocaba varios instrumentos de percusión, e desempeñou esa labor dun xeito maxistral, acadando un grande protagonismo nas súas actuacións. Os fillos de Maruxa e Xosé compartiron a paixón pola música tradicional transmitida polos seus pais. Xuntos converteron Os Rosales nun grupo basicamente familiar que xamais deixaría de evolucionar, chegando a ser un dos cuartetos máis admirados na contorna.