Sangre Fucsia #182
Lun | 19:00 | 20:11
A poucos días do 8M, Sangre Fucsia achégase a algunhas das principais loitas que tiveron lugar en Latinoamérica para coñecer máis de preto como se están organizando e que estratexias de resistencia están a levar a cabo.
Primeira parada en Bolivia para charlar coa activista LGBTI Shade Mamani, integrante do colectivo Wiñay Wara e participante da reportaxe Abortan todas. Abortan as lesbianas? que ampla a mirada do suxeito usuario e demandante deste dereito ás mulleres lesbianas. Repasan algunhas das principais loitas virtuais que tiveron lugar nas redes sociais aglutinadas ao redor dalgúns hashtags como #NiUnaMenos, impulsado polas compañeiras arxentinas e semente da folga feminista do 8M.
Nicaragua ocupa boa parte da axenda política e feminista, entrevistan a militante Geni Gómez, pertencente á Rede de Mulleres de Matagalpa e a Articulación Feminista de Nicaragua. E desde Arxentina charlan con Mariela Acevedo sobre a normativa do aborto e os activismos articulados en torno ao cómic e a ilustración con iniciativas como Linea Peluda.
PLAYLIST: Susana Baca – María Lando, Vamos ya (versión Bella Ciao por el aborto legal y gratuito), Celeste Carballo – Ahora estoy en libertad, La Familia Ayara , Midras Queen , Diana Avella, Fedback, Spektra de la Rima, Paloma – Soy Mujer, Juliano & Rebeca Lane – La mer, Juliano & Rebeca Lane – Despierta, Juliano & Rebeca Lane – Poesía Venenosa, Sara Hebe – Asado de fa, Gabe Baca – Sin Misericordia, Miss Bolivia Con Rebeca Lane y Ali Gua Gua – Libre, atrevida y loca, y Natalia Oreiro – Marea Feminista.
