Do gris ao violeta #6
Ven | 12:00 | 12:11
Carmen Constenla foi a muller que á morte do seu marido colleu a rendas da empresa familiar, pasando a chamarse Transportes Viúva de Cándido, como continúa sendo na actualidade. Durante a súa infancia axudaba a súa nai co transporte das verduras que vendían na praza do mesmo nome. Ademais de pioneira e traballadora, Carmen Constenla foi unha muller comprometida. Enfrontouse á Garda Civil para defender a outra muller que levaba café para o extraperlo, e persoalmente entregaba aos presos os paquetes que as súas familias levábanlle aos autobuses.
