Tribuna Viva
Campolongo xestionatum fora daqui
Os pistolos fanados seguratas desmedidos
rodeados dun halo informático inexpugnable xa
actúan coma rochosos corta lumes obtusos
nos edificios xeados da administración pública
están para complicar as cousas sempre
só favorecen aos amigotes da zona dos viños
ou dos ximnasios estou tremendo de bíceps
e familiares recoñecidos ata o eneísimo grado
os pistolos fanados seguratas desmedidos
merecen que se lles meta o dedo nun ollo
ou mallalos coma polbos da illa nun descampado
corta lumes, ciborgs amestrados, nulidades
xa non queda un resto de comprensión sensible
detrás das portas xiratorias da administración pública
a informática fría e indecente muta automáticamente
e acentúa, xunto cos teléfonos virosos, a sensación ártica
do cidadán pagote títere convertido nun monicreque
mentres o lambón mangallón listeiro de detrás da mesa
está coma cada mañá no seu paradisíaco veña a nós
alto reino funcionarial soñando con pementos de padrón
e copas de albariño por funil na zona vella
membrudo ten pinta de Yeti baldreu aparatoso
e dálle igual catro ca corenta millóns de furias
os pistolos fanados, os lambóns listeiros
a sagrada informática e os teléfonos bilingües automáticos
converten o volva o vostede mañá de Larra
nun gracioso conto de fadas amateur para cativos
porque o de agora é criptomanía informática histérica
ti amigo Paquete non movas nin un dedo tipo Crátilo
e a ver se nós deixan en paz para sempre tranquilos
estes leriantes de firma electrónica que estamos en A gusto
na nosa queridísima delegación de facenda nacional
do campo de concentración Pontehausenvedra nº39
dos 52 campos de exterminio que hai no reino das españas.
R.S.Lago