Tribuna Viva
2012 Un ano desastroso para a Sanidade Pública
Cando se cumpre un ano do goberno de Mariano Rajoy, e esta recente o triunfo electoral de Nuñez Feijoo en Galicia desde a Asociación Galega para a Defensa da Sanidade Pública queremos denunciar que a Sanidade Pública, atópase abocada ao desastre, a pesar das promesas realizadas
-
Recortes brutais nos orzamentos sanitarios
-
Cambio do modelo sanitario, pasando dun modelo universal a outro baseado no aseguramiento que exclúe a colectivos desprotexidos
-
Establecemento de copagos xeneralizados, para medicamentos, para transporte sanitario, dietoterapia, prótese e ortesis.
-
Ruptura da Carteira de prestacións do Sistema Nacional de Saúde, coa ameaza de sacar da carteira básica, e polo tanto das que son gratuítas, numerosas prestacións (os documentos falan de reprodución asistida, mamografías, etc)
-
Recortes orzamentarios que se concretaron en diminucións de persoal (non se repón xubilacións, péchanse camas e de servizos, de puntos de atención urxentes, non se substitúen aos medicos de baixa , etc. O Plan de Mellora de Atención Primaria segue paralizado
-
Privatizacións xeneralizadas (central de compras, almacéns, informática, ..)
-
Paralización da construción dos hospitais de Vigo e o de Pontevedra, e dos Plans Directorios do resto de centros hospitalarios.
-
Paralización da construción e apertura dos novos centros de saúde (nin un só de 15 previstos dun total de 66 necesarios),
-
Mantemento do hospital privado POVISA como hospital de área pese a súas deficiencias
-
Inicio do Desmantelamento das áreas sanitarias do Barco de Valdeorras,, Monforte, etc.
-
Desmantelamento unidades tratamento da SIDA e drogodependencias,
-
Reducións salariais aos traballadores sanitarios
-
Incremento das listas de espera nun 30%
En resumo desmantelamento e recortes xeneralizados do sistema sanitario, empeoramento da atención, incumprimento das promesas do electorais de Nuñez Feijoo e avance da privatización.
Asociación Galega para a Defensa da Sanidade Pública