Os sindicados CESM, PROSAGAP, OMEGA, TSP e CO-BAS, que son maioría na Xunta de Persoal da área sanitaria de Pontevedra e O Salnés, valoran o diálogo aberto pola Xunta de Galicia, pero insisten en que o cesamento do actual equipo directivo é imprescindible para seguir avanzando.
Con todo, agradecen o xesto do presidente Alfonso Rueda ao atender as súas demandas e establecer un interlocutor "válido", que é a directora xeral de Recursos Humanos do Sergas, Ana María Comesaña,
Os representantes dos traballadores, un de cada central sindical, desprazáronse a Santiago para manter un encontro coa dirixente, a quen lle expuxo a situación límite que se vive na área Sanitaria de Pontevedra, e as demandas que consideran ineludibles para reverter a situación e recuperar unha sanidade pública de calidade.
Os cinco sindicatos expuxeron o seu rexeitamento frontal ao Plan de Continxencias para cubrir as prazas de persoal sanitario nos PACs e reclamaron un Plan Específico para a área de Pontevedra, que atravesa unha situación insólita que non se vive noutras zonas de Galicia.
Demandan neste sentido un Plan Funcional de Choque-Emerxencia, dotado cos recursos económicos, humanos e materiais precisos para recuperar o persoal ideal e estable necesaria para garantir unha asistencia digna, eficiente e de calidade, e non facelo á conta da supresión dos dereitos dos traballadores como vacacións e permisos ou coa prolongación de xornada.
Agradeceron a actitude conciliadora da directora xeral e o cambio de actitude da Administración, ademais acordaron con ela a continuación das negociacións para partir do próximo martes na que estará presente o xerente xeral do Sergas, o doutor Flores.