O presidente da Deputación, Rafael Louzán, e o alcalde de Pontevedra, Miguel Anxo Fernández Lores, asinaron este venres o protocolo de colaboración co que se inician os trámites para a posta en marcha dunha planta de compostaxe na provincia, nun acto no que contaron co apoio de asociacións de veciños, comunidades de montes e entidades ecoloxistas.
Xa hai máis dun ano que a Deputación, co apoio do BNG, iniciou conversas cos alcaldes da provincia para sacar adiante un proxecto intermunicipal ⿿que nos permita unha xestión máis eficaz dos residuos tanto desde o punto de vista económico como ambiental, apuntou Louzán.
Nesta liña recalcou que o paso dado hoxe é ⿿un camiño que non ten volta atrás e ⿿debe levarnos a que Pontevedra, no prazo de tempo necesario para a construción e posta en marcha conte cunha planta de compostaxe que contribúa ⿿a curto e medio prazo á mellora da calidade ambiental da provincia.
"Trátase dun proxecto que nace con bo pe", dixo o alcalde de Pontevedra
Pola súa banda, Miguel Anxo Fernández Lores incidiu en que se trata dun proxecto que ⿿nace con bo pe, porque hai dúas institucións que se están implicando no tema e tamén porque hai un sector formado por comunidades de montes, veciños e mesmo asociacións ecoloxistas que hoxe están aquí.
Na mesma liña se manifestou Rafael Louzán, que recalcou que este proxecto servirá tamén para evitar a incineración dos residuos, e os grandes desprazamentos que hai que facer actualmente para o tratamento dos residuos e que implican un enorme gasto económico e un considerable prexuízo ambiental.
Tanto Louzán como Lores, amosáronse confiados en que, aínda que a planta dará servizo inicialmente ao Concello de Pontevedra e aos máis de 20 concellos adheridos ao Servizo Provincial de Recollida de Lixo, durante o proceso de tramitación e construción da planta e incluso unha vez en marcha, ⿿se sumen máis concellos, para sacarlle maior proveito.
Tamén incidiron na necesaria conciencia social para facer viable a planta, dado que tratará residuos que se separen en orixe, polo que é fundamental a colaboración da sociedade. Para lograla impulsaranse campañas de sensibilización ademáis implantarase un novo colector, que será de cor marrón, e no que os cidadáns deberán depositar os residuos orgánicos correctamente separados no fogar.
CIRCUNSTANCIAS IDÿNEAS
A unión de todas as administracións implicadas vai permitir contar coa suficiente ⿿masa crítica como para garantir a viabilidade da planta, que Lores e Louzán consideran garantida tamén polas circunstancias concretas do momento no que nace e que en nada se parecen ás que se deron cando se impulsaron outros proxectos fallidos.
O Concello de Pontevedra comprométese a buscar unha localización idónea para a planta
Ademais a planta nace co aval de coincidir coa liña de traballo do novo plan de residuos da Xunta de Galicia, que fai unha aposta firme pola compostaxe, e de ser unha necesidade para dar resposta ás directivas europeas que establecen que en 2020 haberá que compostar un mínimo do 25% da fracción orgánica dos residuos.
En canto aos terreos, o Concello de Pontevedra comprométese a buscar unha localización idónea para a planta, para o que abrirá un prazo duns meses para que se poidan presentar ofertas. Xa dispoñen dalgunhas propostas, pero que é preciso abrir un prazo e despois valoralas todas en detalle para elixir a mellor ubicación posible.