"Yo estaré siempre atendiendo a los vecinos y sus demandas", contestou a ministra de Fomento, Ana Pastor, respecto da decisión dos maxistrados da Audiencia Nacional de desestimar a suspensión cautelar das obras da A-57 que solicitara a plataforma Salvemos A Fracha.
"Para mi lo que es importante es que Pontevedra es la única capital de provincia, que era una vergüenza, que no tenía circunvalación", reiterou unha vez máis a ata agora titular de Fomento.
En canto ás alegacións presentadas polos afectados por esta autovía, a ministra tamén insistiu en que "el tema medioambiental está respetado totalmente" asegurando que ademais ter este criterio presente cando se proxectan "infraestructuras que son importantes para la competitividad de Pontevedra", apostilou.
SALVEMOS A FRACHA INTERPÓN UN RECURSO
A plataforma Salvemos a Fracha confirmou, mentres tanto, a interposición dun recurso de reposición ante a Audiencia Nacional como un paso previo antes de acudir en casación ao Supremo.
Desde este colectivo insístese en que esta resolución non afecta á causa principal "temos a intención de continuar cos procedementos xudiciais abertos e solicitar a revisión por reposición ante dita audiencia de tal negativa e de ser o caso o recurso ante o Tribunal Supremo e continuar co procedemento do contencioso-administrativo", sinalan nun comunicado.