Remonta do Cisne para saír da mala dinámica

Montaña rusa de emocións a vivida este sábado no Pavillón Municipal de Pontevedra durante o encontro entre o Club Cisne Balonmán e o Agustinos Alicante

O conxunto pontevedrés, despois dun inicio dubitativo, soubo reporse para rexurdir das súas cinzas e saír da mala dinámica cun triunfo por 33-30.

Os primeiros minutos foron de dominio visitante, que sorprendía ao Cisneanotando un 0-3 inicial.Manu Lorenzo e Alberto Delgado reduciron distancias e o seu equipo logrou empatar o encontro ao oito minutos (4-4).

O Agustinos volveu tomar a dianteira con dous goles arriba, pero o cadro local non se amedrentou e, cun parcial de 3-0, logrou porse por primeira vez en vantaxe no marcador.

Pero a alegría local durou pouco. Iván Calvo foise dous minutos ao banco e, unha vez máis, os visitantes voltearon o luminoso. Nuno Pando fixo o empate a nove e o técnico visitante pediu tempo morto para recompor ao seu equipo.

O parón sentou mellor ao Cisne que, por primeira vez no encontro, colocábase cunha renda de dúas tantas grazas ao acerto de Alberto Molina.

O conxunto alacantino reaccionou novamente para empatar a doce, os brancos cometeron falta en ataque e o seu rival, desde o sete metros, tomou a dianteira para xa non soltala e ir ao descanso cunha vantaxe de dous goles (15-17).

Tras o descanso o guion apenas cambiou. Marko Ojeda e Mateo Arias empataron para o Cisne, pero o Agustinos respondeu rapidamente, dando paso aos instantes de ida e volta e máxima igualdade.

Pero a partir do minuto 22 produciuse un punto de inflexión e o cadro lerezano tomou o control do partido con dous goles consecutivos de Iago Costas (29-27).

Aínda que David Quiles reduciu distancias, Quiños parou o tempo para que os dous puntos non se esfumaran nos últimos instantes de partido.

E cunha boa defensa e o acerto ofensivo dos seus xogadores, o Cisne conseguiu xestionar a súa vantaxe para levar o triunfo por 33-30.

Consulta as estatísticas neste enlace