Lores quere que o Parque da Parda sexa un dos primeiros proxectos a executar no vindeiro mandato

© Cristina Saiz

© Cristina Saiz
Miguel Anxo Fernández Lores, candidato do BNG á reelección como alcalde de Pontevedra, visitaba este sábado o barrio da Parda na zona onde está prevista a execución do proxecto de creación do gran Parque da Parda.
O representante nacionalista, acompañado por varias das persoas que integran a lista da candidatura, explicaba que se trata dun proxecto para "esparcimento e lecer" necesario para dar servizo a un barrio que está crecendo e con moitas posibilidades aínda de edificabilidade, recoñeceu Fernández Lores.
O proxecto, presupostado en catro millóns de euros, que serán financiados con fondos municipais e coa posibilidade de achegas por parte da Deputación de Pontevedra abarca un espazo de 34.000 metros cadrados, o dobre do que ofrecerán os xardíns de Santa Clara, segundo indicou o candidato.
"Vai permitir a unión co parque liñal do Gafos", explicou Lores durante a visita indicando que esa unión realizarase coa integración das estacións de tren e de autobús. Sinalou que o parque xa conta cun proxecto de urbanización elaborado coa incorporación de parcelas para realizar accesos desde A Parda porque inicialmente só existían desde Entrevías.
Este espazo contará cunha zona maioritariamente verde, un pequeno leito de auga e cun espazo para xogos infantís.
Este proxecto completarase coa construción do futuro pavillón municipal da Parda, "unha gran instalación deportiva para dar servizo a zona leste - sur da cidade", indicou lembrando que este pavillón, que tamén ten elaborado o proxecto, destinarase a deportes como a escalada, que cada vez conta con maior afección na cidade que actualmente ten que realizar esta práctica deportiva no rocódromo do Multiusos da Xunqueira. Para a execución do pavillón xa hai un acordo de financiamento coa Xunta de Galicia para acometer un "proxecto moi complexo e caro".
Ademais está prevista a creación dun aparcamento grande, gratuíto e disuasorio, con a intención de que ofreza servizo ao pavillón como ás persoas residentes da Parda.
"Agardo que sexa unha das primeiras obras que se executen non próximo mandato", sinalou Miguel Anxo Fernández Lores engadindo que "faime moitísima ilusión porque é unha zona de expansión moi preto do centro dá cidade" lembrando que A Parda é o barrio de Pontevedra de maior crecemento nos últimos anos.
Miguel Anxo Fernández Lores explica o proxecto do Gran Parque da Parda
Miguel Anxo Fernández Lores. Candidato do BNG á alcaldía
© PontevedraViva
Relacionadas:
-
Lores pecha a súa campaña acompañado por Ana Pontón e alertando do risco de "reverter o traballo feito" se gañan os seus rivais
Por Manu Otero |
-
28M | Miguel Anxo Fernández Lores (BNG): "Esta Pontevedra no ten volta atrás. Os cidadáns non o van permitir"
Por Alejandro Espiño & Mónica Patxot |
-
Tirón de orellas do BNG ao Goberno por "bloquear" demandas históricas da cidade
-
Lores cualifica a "enorme e sorprendente coincidencia de discurso" entre o PSOE e o PP como unha "pinza destructiva"
Por Oskar Viéitez & Mónica Patxot |
-
Os plans de Lores para o monte: recuperar 7.000 hectáreas e que Pontevedra sexa o gran parque forestal das Rías Baixas
Por Redacción |
-
Lores, apoiado por Pontón e polo "aval de ter conseguido transformar unha cidade gris" para abrir un novo ciclo de 8-10 anos
Por Mónica Patxot & Natalia Puga |
-
Compromiso de Lores para ampliar os estándares de calidade de vida nos núcleos residenciais das parroquias
Por Oskar Viéitez |
-
Lores: "Quen propón un novo PXOM está a propoñer unha volta atrás cara a Pontevedra do século pasado"
Por Alejandro Espiño |
-
O novo parque natural da Parda superará os 35.000 metros cadrados e custará máis de 4 millóns de euros
Por Oskar Viéitez |
-
O futuro complexo deportivo da Parda terá un pavillón multideporte, outro de ximnasia e un rocódromo de competición
Por Alejandro Espiño |