Un incendio nunha fábrica emblemática que tardou 21 días en sufocarse e levou a vida dun traballador
Por Alejandro Espiño
Nada podía facer presaxiar, na tarde do domingo 6 de novembro, que pasaría a figurar marcada no calendario de 2022 como un día negro da historia de Pontevedra. Empezou a arder no interior das instalacións da antiga fábrica de cerámica de Pontesa na parroquia de Ponte Sampaio, un recinto dedicado á almacenaxe de cereal que acabaría ardendo durante 21 días e levaría a vida dun operario.
O falecido foi Benito González Dopazo, un veciño de Marín de 59 anos que resultou ferido grave durante as tarefas de extinción do incendio e faleceu tres días despois no Complexo Hospitalario Universitario da Coruña, onde ingresou con queimaduras de terceiro grao no 85% do seu corpo.
Benito González era concelleiro do PSdeG-PSOE na corporación de Marín e sempre foi un home moi activo a nivel social.
Foi presidente da comunidade de montes de Santomé de Piñeiro; fundador e delegado do equipo de fútbol veterano da parroquia; presidente do IES Chan do Monte de Marín durante dez anos; e directivo de FANPA Pontevedra e de CONFAPA, a federación galega de asociacións de nais e pais.
O loito encheu de pesar Marín mentres todos os ollos seguían mirando con preocupación cara á fábrica. O incendio, que a concelleiro de Seguridade Cidadá, cualificou de "gravidade extrema", obrigou aos servizos de emerxencia a manter un control constante durante tres semanas ata dalo por extinguido.
O Grupo Nogar a través da súa filial Galigrain, titular do cereal alí almacenado, tivo que mover e trasladar ao redor de 10.000 toneladas de cereal directamente afectado polo incendio, tarefas para as que utilizaron 1.000 camións de dez toneladas. O problema, non tiñan licenza de actividade.
O operativo implicou a Bombeiros de Pontevedra, O Morrazo e Ribadumia e mesmo motivou o uso das cisternas da Axencia Galega de Emerxencias,que achegaron auga sete horas ao día durante estas tres semanas. Para extinguir este incendio, utilizáronse aproximadamente 3,5 millóns de litros de auga, ao redor dun terzo do que consome todo o Concello de Pontevedra nun día.
As tarefas víronse complicadas pola presenza de amianto nas instalacións, de modo que a Inspección de Traballo clausurou a nave e impedía entrar aos bombeiros para apagar o lume. Tan só puideron entrar, con traxes de protección específicos, axentes da Policía Científica da Policía Nacional para investigar o ocorrido. A investigación aínda non está concluída.
O incendio causou consternación na parroquia de Ponte Sampaio, moi vencellada a esta emblemática fábrica durante anos pola cantidade de veciños e veciñas que traballaron nela, e tamén en Arcade (Soutomaior) e Paredes (Vilaboa). Todos son lugares limítrofes que viviron con medo o incendio e logo con preocupación a presenza de fume e de fortes cheiros durante semanas.
Este incendio tamén levou ao Concello de Pontevedra a investigar a nave de La Cross, en Alba, onde esta mesma compañía acumulaba 96.000 toneladas de cereal, máis do dobre do que había en Pontesa. Tras a inspección, decidiron paralizar a súa actividade.
Relacionadas:
-
Falece un operario na Fábrica da Cross ao caer do tellado cando realizaba labores de reparación
Por Redacción | Creada e actualizada
-
Unha aseguradora reclama ao Concello 7 millóns de euros por "neglixencia" dos bombeiros no incendio de Pontesa
Por Alejandro Espiño |
-
"Fartos dos cheiros e das pragas" nove meses depois do incendio de Pontesa, os veciños claman solucións
Por Natalia Puga & Mónica Patxot |
-
Mariscadoras e representantes da confraría de Arcade trasladan a súa preocupación pola situación da fábrica de Pontesa
Por Juan Manuel García Tajes & Redacción |
-
O PSOE presenta na Alameda de Marín a candidatura de Manuel Pazos á alcaldía
Por Redacción |
-
A Fiscalía abre dilixencias para investigar se houbo delito no incendio de Pontesa
Por Natalia Puga |
-
Vinte e un días de traballo e 3,5 millóns de litros de auga para extinguir o incendio na Pontesa
Por Alejandro Espiño |
-
La Cross almacena 96.000 toneladas de gran, o dobre das que había na Pontesa
Por Alejandro Espiño |
-
La Cross, suspendida de actividade por orde do Concello: "Non podemos permitir que o de Pontesa volva suceder"
Por Alejandro Espiño |
-
Preocupación veciñal polo fume de Pontesa: "Pícanme os ollos e a garganta. Non podo saír da casa sen máscara"
Por Natalia Puga & Mónica Patxot |
-
Inspección da nave de La Cross onde opera o Grupo Nogar para comprobar as medidas de seguridade
Por Mónica Patxot & Anxo Lourido |
-
A nave de Pontesa, tres días despois: con fume, conatos continuos e riscos por amianto
Por Natalia Puga & Mónica Patxot |
-
"A nosa dor é inmensa, a súa falta imposible de substituír"
Por Oskar Viéitez |
-
Falece Benito González, o traballador ferido grave no incendio de Pontesa
Por Alejandro Espiño |
-
Ponte Sampaio, Arcade e Paredes seguen cun profundo cheiro a queimado e o medo no corpo
Por Manu Otero & Mónica Patxot |
-
A actividade de almacenaxe que se realizaba en Pontesa era "un polvorín" sen medidas de prevención nin licenza
Por Anxo Lourido |
-
O operario ferido grave no incendio de Pontesa ten o 85% do corpo queimado
Por Alejandro Espiño |
-
Noite de traballo en Ponte Sampaio para extinguir o incendio na zona da Pontesa
Por Alejandro Espiño |
-
Arde unha nave anexa á antiga fábrica de cerámica de Pontesa
Por Alejandro Espiño & Cristina Saiz | Creada e actualizada