Marea Pontevedra defende que o Centro de Saúde de Monte Porreiro manteña o servizo de pediatría
Por Redacción
Marea Pontevedra sumábase este venres á petición veciñal para reparar a situación que se deriva da ausencia de pediatra no centro de saúde de Monte Porreiro, que supón desde este venres que 1.300 escolares carezan desa atención médica.
O candidato Luís Rei reclamou a incorporación tamén de dúas traballadoras sociais a tempo completo que serán necesarias para atender as demandas das persoas residentes no barrio.
Representantes da candidatura, encabezados por Rei, achegábanse este venres ata a urbanización para presentar algunhas das medidas recollidas entre a veciñanza e que constitúen propostas realizables desde o goberno de Pontevedra.
Entre estas propostas atópase a ampliación dos vestiarios do campo de fútbol e dos aparcamentos do campo de fútbol e do centro de saúde; a recuperación a Escola Taller; coordinar as actividades do Centro Social e supervisar as súas contas desde o Concello; inventariar as parcelas abandonadas; aumentar os contedores de lixo, impulsar unha rede de carreiros peonís e negociar coas entidades bancarias para abrir unha oficina no barrio.
Relacionadas:
-
Marea Pontevedra preséntase no acto central de campaña como a única alternativa para un cambio político
Por Redacción |
-
Marea Pontevedra propón solicitar axudas para rehabilitar 125 casas da Moureira e os espazos públicos
Por Anxo Lourido |
-
Marea Pontevedra aposta por abrir unha nova rúa peonil entre Eduardo Pondal e a Avenida de Vigo
Por Redacción |
-
Marea Pontevedra promete a recuperación de Lourizán co soterramento das vías e a marcha de Ence da ría
Por Redacción |