Cidadáns propón catro parques caninos en Pontevedra
Por Redacción
Cidadáns Pontevedra propón a habilitación de catro parques caninos no municipio. No seu programa, a formación laranxa prevé a creación dun destes espazos en cada punto cardinal do concello pontevedrés, ademais da mellora e adecuación do único existente na actualidade, situado na Xunqueira de Alba.
Segundo sinalou o candidato de Cidadáns, Goyo Revenga "serán zonas acoutadas para que os cans teñan un lugar de esparexemento en liberdade e sen producir molestias. Cada unha destas áreas contará cunha zona de xogo, outra de evacuación e fontes adaptadas".
O programa de Cidadáns Pontevedra recolle tamén a mellora das instalacións do refuxio municipal situado na parroquia de Campañó "a fin de emendar os problemas de saturación que vive o centro de forma continua", así como a posta en marcha de programas municipais para combater situacións de malos tratos e abandono animal, a través de iniciativas de sensibilización para concienciar aos cidadáns.
"Queremos tamén impulsar a elaboración dunha ordenanza de protección animal, que o bipartito BNG-PSOE non se preocupou en poñer en marcha en vinte anos", concluíu Revenga.
Relacionadas:
-
Cidadáns defende a creación de "un área lúdico deportivo" no río Lérez e Illa das Esculturas
Por Diego Espiño |
-
Cidadáns pide "poner la tecnología que hace falta" para mellorar a depuradora dos Praceres sen ampliala
Por Diego Espiño |
-
"Sen transporte urbano Pontevedra está abocada a morrer por compracencia, inanición e falta de oportunidades"
Por Alejandro Espiño & Mónica Patxot |
-
Cidadáns quere impulsar programas municipais de reforzo escolar, mellora de inglés e desenvolvemento tecnolóxico
Por Redacción |
-
Cidadáns propón habilitar pisos de acollida para mulleres maltratadas
Por Redacción |