VIDEO.- Marea Pontevedra navegou polo espazo que reivindican como "Praza do Mar"
Por Oskar Viéitez
A candidatura de Marea Pontevedra navegou este sábado polo espazo que reivindican como "Praza do Mar", avalada polo arquitecto César Portela, para establecer a comunicación entre a Boa Vila e a ría.
Convidados polo club de piragüismo Ciudad de Pontevedra, visitaron as súas instalacións e puideron comprobar de primeira man a precariedade das dependencias nas que adestran case un centenar de piragüistas.
O candidato á Alcaldía por Marea Pontevedra, Luís Rei comprometeuse nun novo goberno da cidade "a actualizar as subvencións aos clubs deportivos e a abonalas en tempo, corrixindo a actuación do actual goberno do Bloque de Lores que arrasta unha débeda de varios anos co deporte de base da nosa cidade".
Remataron a visita cun paseo polo río Lérez en dragón boat, timoneados polo presidente do club, con quen puideron compartir "a que seguro será unha das mellores xornadas desta campaña electoral", dixeron.
Relacionadas:
-
"Hai máis proximidade entre o goberno de Lores e o PP que entre o goberno de Lores e Marea Pontevedra"
Por Mónica Patxot & Anxo Lourido |
-
Marea Pontevedra creará un evento artístico anual para presumir da calidade da Facultade de Belas Artes
Por Redacción |
-
Marea Pontevedra reivindica na Casa da Luz unha mirada violeta
Por Mónica Patxot & Redacción |
-
Luís Rei propón rescatar a autoestrada do Atlántico e paralizar as obras da A-57
Por Redacción |
-
Luís Rei presenta 180 propostas de Marea Pontevedra baseadas na igualdade, na inclusión e na xustiza
Por Mónica Patxot & Anxo Lourido |
-
Luís Rei asegura que a normalización lingüística vai ter unha maior atención con Marea Pontevedra no goberno do Concello
Por Redacción |