Foi unha auténtica sorpresa para a maioría, especialmente para os veciños dos municipios implicados, descubrir como o presidente da Xunta, Alberto Núñez Feijóo anunciaba a fusión dos concellos de Cerdedo e Cotobade. 

Foi o 23 de febreiro. Silvestre José Balseiros e Jorge Cubela, ambos os alcaldes do PP, comparecían riseiros xunto ao o xefe do Executivo autonómico para dar a noticia.

Sería a segunda fusión de concellos en practicamente medio século en Galicia. 

O proceso culminouse o 22 de setembro. Pero o camiño estivo cargado de polémica desde o principio.

O municipio resultante desta fusión, que leva o nome de Cotobade-Cerdedo, suma 6.071 habitantes, 89 menos que o ano anterior. Precisamente este é o principal argumento esgrimido polos impulsores desta unión, o despoboamento e o envellecemento que sofren ambos os municipios. 

Os contrarios a esta manobra criticaron desde o principio a falta de análise e estudos que avalasen esta decisión, e máis grave aínda, reprocharon a "falta de democracia" por non consultar en ningún momento aos veciños afectados.

Para este 2017, borradas xa as fronteiras, Cubela, presidente da xestora que goberna en Cerdedo Cotobade, lembra que o novo municipio terá un acceso "prioritario" aos fondos e aos investimentos da administración autonómica e, practicamente, terá o dobre de orzamento para financiar os servizos públicos.