Ana Pontón reclama "xulgados específicos" para atender ás vítimas de violencia de xénero
Por Redacción
A candidata do Bloque Nacionalista Galego á Xunta de Galicia, Ana Pontón, defendeu nun mitin en Cambados a creación de "xulgados específicos" para atender ás vítimas de violencia de xénero, ademais de apostar por unha política activa que facilite a inserción laboral e maximizar as medidas de protección ás mulleres afectadas por esta secuela.
Pontón explicou as diferentes medidas de igualdade polas que aposta a súa candidatura, como o custo cero das cotas da Seguridade Social para as traballadoras autónomas durante a maternidade, ampliar os permisos de paternidade e facelos obrigatorios e revisar os horarios comerciais, co obxectivo de facilitar a conciliación familiar.
A candidata do BNG asegurou que un "cambio real" a partir do 25-S pasa por "feminizar a política con feitos e non con palabras ocas, das que estamos cansas de escoitar".
Ademais sinalou que "non imos adicar nin un só euro a políticas que discriminen as mulleres e, polo tanto, imos eliminar os concertos con eses colexios do Opus Dei que están segregando a nenos e nenas por sexo".
Pontón realizou estas declaracións en Cambados no transcurso dun mitin no que estivo acompañada polo candidato por Pontevedra, Luís Bará.
Relacionadas:
-
Bará, en Vilagarcía: "É momento de cambiar as caras e as políticas do goberno galego"
Por Oskar Viéitez |
-
Pontón reivindica Pontevedra como exemplo de como o BNG pode ser "chave" para derrotar o PP
Por Alejandro Espiño & Mónica Patxot |
-
O Galtrén, aposta do BNG por un tren de proximidades "real" en Galicia
Por Redacción |
-
O BNG reclama que a xestión da AP-9 dependa de Galicia para acabar coa súa "estafa"
Por Redacción |