Unha cidade saudable
Por Redacción
Este modelo de cidade pensado nas persoas, non pasa por alto a súa saúde. Por elo, o proxecto integral tamén ten unha vertente que pretende fomentar hábitos de vida saudables entre os seus cidadáns, e ofrecer espazos da calidade ambiental que poidan ser motivo de goce común. De feito, é constatable o incremento da vida en prazas, rúas e nos espazos naturais.
As actuacións encamiñadas á redución do tráfico redundaron igualmente na diminución da contaminación sonora e do aire. Súmase, no ámbito ambiental, os proxectos executados para eliminar as verteduras residuais ás augas dos ríos e a ría.
Están a disposición das cidadáns iniciativas como o Metrominuto, que mostra as distancias e tempo entre varios puntos da cidade, percorridos por un peón. O Pasominuto, unha guía de suxestións para pasear polos espazos verdes da cidade, dando conta das distancias que se percorren, os pasos que se dan ou o tempo que leva facelas.
De igual forma acondicionouse e mellorado unha rede de sendas que permiten gozar, tanto a pé como en bicicleta, deste patrimonio natural de Pontevedra.
Os usuarios das bicicletas tamén incrementaron o seu número nos últimos anos, propiciados polas medidas ou programas que se aplicaron e que situaron á cidade como un espazo idóneo e seguro para as bicis. Así como os peóns dispoñen do Pasominuto, os ciclistas tamén contan co Bicimapa urbano. Ademais, xa se converteu en referencia anual o programa Pontenbici, que aglutina actividades diversas co obxectivo de visibilizar e fomentar o uso das bicis.
Este fomento da mobilidade peonil foi recoñecido en 2013 co Premio Europeo Intermodes. Xa en 2010, a Fundación para a Seguridade Viaria, outorgou o Premio Fesvial á seguridade viaria.