Moreira propón eximir a Universidade de Vigo do pagamento do IBI
Por Redacción
O candidato do PP á Alcaldía de Pontevedra, Jacobo Moreira, inclúe no seu programa electoral de cara ás eleccións municipais do 24 de maio una proposta para eximir á Universidade de Vigo do pago do Imposto de Bens Inmobles (IBI) dos edificios do campus de Pontevedra.
A proposta fíxoa pública Moreira este xoves nun acto sectorial de Educación celebrado na sede provincial do PP no que deu a coñecer tamén a súa "aposta firme" por impulsar acordos dende o Concello de Pontevedra coa Universidade de Vigo co fin de aproveitar conxuntamente as infraestruturas e servizos de ambas institucións.
O acto sectorial contou coa participación do actual conselleiro de Cultura, Educación e Ordenación Universitaria, Román Rodríguez, que é membro da xunta directiva do PPdeG, e da número 2 da candidatura 'popular' en Pontevedra, Aurora Cañizares. Reuníronse cos equipos directivos dos centros de Infantil e de Primaria e da FANPA Pontevedra, aos que trasladaron as propostas en materia educativa que inclúen no seu programa.
Moreira sinalou que teñen intención de potenciar a colaboración do Concello na rehabilitación e modernización dos centros escolares a través dun protocolo a asinar coa Xunta de Galicia. Ademais, teñen intención de promover a colaboración directa coa FANPA e as ANPAS dos centros educativos, proxectando iniciativas que se sumarían ao convenio que xa existe co Concello.
Relacionadas:
-
A Universidade aforrará 100.000 euros anuais coa rebaixa do IBI que lle aplica o Concello
Por Redacción |
-
Moreira promete unha rebaixa xeralizada de impostos e taxas e que os cidadáns poidan pagar a prazos
Por Alejandro Espiño |
-
Taxista, mariscador, panadeiro, adestrador... así son as 'profesións' de Jacobo Moreira
Por Redacción |
-
Potenciar o CEIP Príncipe Felipe, solución do PP para a escolarización na zona leste
Por Alejandro Espiño |