Marea Pontevedra protagoniza unha xornada festiva na Praza da Pedreira
Por Diego Espiño
Coincidindo co 41 aniversario da Revolución dos Cravos de Portugal, Marea Pontevedra organizou unha xornada de confraternización, festiva e reivindicativa para ir quentando motores de cara á campaña electoral.
A festa iniciouse cun pasarrúas a cargo de Fanfarría Taquikardía por varias rúas do casco histórico, para concentrase despois na carpa instalada na Praza da Pedreira, onde os asistentes gozaron dunha comida popular.
Antes desa comida o candidato de Marea á alcaldía de Pontevedra, Luis Rei, protagonizou un breve discurso no que asegurou que os partidos que compoñen a actual corporación municipal "empezan a estar dos nervios".
Rei acusou ao BNG de contraprogramar a súa xornada coa Asemblea Nacional, e tamén tivo palabras para Jacobo Moreira, do que asegurou "copia propostas da Marea só que como é de casa rica pode presentalas con infografía", declarou en alusión á última proposta presentada polo candidato popular, partido que, mantén, "dimitiu da esperanza de maioría absoluta e confórmase con atar por xeracións receitas económicas tan rancias coma a de prolongar a permanencia da Celulosa na ría".
O discurso do candidato de Marea concluíu cun canto colectivo do "Grandola, Vila Morena" representativo da revolución lusa.
Relacionadas:
-
Marea denuncia as "agresións" á liña marítima e propón declarar a Ría como reserva da biosfera
Por Redacción |
-
Marea Pontevedra dá por seguro que entrará na próxima corporación municipal
Por Oskar Viéitez & Cristina Saiz |
-
As mareas de Pontevedra e Marín apostan por unha xestión conxunta e pública do lixo
Por Diego Espiño |
-
Marea Pontevedra financia a súa campaña coa venda de obras de estudantes de Belas Artes
Por Cristina Saiz & Oskar Viéitez |