Dende as Seccións sindicais de SPPME Galicia e CCOO no Concello de Pontevedra queremos agradecer ao grupo municipal do PP a presentación a moción de apoio á Policía Local de Pontevedra poñendo de manifesto o maltrato recibido por este colectivo por parte dos seus gobernantes.
Asimesmo queremos agradecer ao grupo municipal do PSOE o seu voto a favor nesta moción así como as aportacións realizadas á mesma.
Tamén deixar de manifesto o noso agradecemento a este grupo municipal polos seus esforzos para conseguir que nos orzamentos se inclúan partidas destinadas a corrixir os enormes problemas que afectan ao persoal do Concello a pesar de resultar insuficientes.
O compromiso dunha partida para a carreira profesional dos funcionarios é un avance pero sin consignación económica moito nos tememos que sexa unha arducia máis por parte do goberno para acadar o seu obxectivo de aprobar o orzamento.
Gustaríanos que o grupo de PSOE fose moito máis incisivo e impoña condicións para a aprobación dos orzamentos que sexan garante do seu cumprimento nesta cuestión e en outras como o reparto da productividade que debería esixir que fose lineal para que non resulten máis beneficiados os de sempre.
Botamos en falta que non se obrigue á implementación da Relación de Postos de Traballo que está aprobada pola Mesa Xeral de Negociación no ano 2019 e que quedou agochada nun caixón e que supuxo un gasto importante á administración (a todos os cidadáns) que se abonou á empresa que se encargou da valoración de postos e a elaboración da Relación de Postos de Traballo.
Tamén cremos que o PSOE debería esixir a este goberno que abone o traballo en quendas nocturnas e en festivos aos funcionarios xa que a situación actual supón un agravio comparativo entre os distintos postos de traballo.
Suliñar que se observou que tanto PP como PSOE subiron o tono no debate sobre esta moción, o cal supoñemos se debe a cuestións políticas das que non imos formar parte de ningún xeito.
Por outra banda queremos destacar a actitude de cinismo por parte do grupo municipal do BNG que tamén votou a favor da moción sendo que son eles os únicos responsables da actual situación de abandono que sufre a Policía Local e que levan anos ninguneando a este Corpo e denigrando as súas condicións laborais e económicas ata extremos que fan que Pontevedra sexa o último destino na elección por parte do persoal de nova incorporación e que os funcionarios que veñen xa estén buscando saídas por mobilidade cara outros concellos con maior atractivo laboral.
O voto a favor da moción por parte do grupo do BNG é unha nova maneira de rirse dos traballadores amosando o seu total desprezo.
É relevante como á concelleira Eva Villaverde lle gusta xogar a facer "trampas", sirvan como exemplo cando fala de "permuta" que é o cambio de destino dun funcionario con outro doutra localidade (o que non supón vacante) pero o problema de Pontevedra ven da mobilidade, un proceso de concurso polo que os funcionarios solicitan praza en concellos que ofertan vacantes e que supón unha vacante no concello de orixe do solicitante que a obtén.
Esta situación fixo que en Pontevedra se teñan perdido case unha vintena de funcionarios sendo que os que solicitan este destino nese proceso son mínimos.
A actual situación, que di a concelleira que o plantel está correctamente dimensionado, é que se impide aos funcionarios ir a outros concellos en comisión de servizos xa que os informes sempre apelan á falta de persoal.
Outra das "trampas" da señora Villaverde é cando fala das novas incorporacións que non son tal, seis desas "novas incorporacións" son funcionarios de policía de Pontevedra que ascenderon nun proceso de promoción interna a oficial, polo que o número de efectivos por ahí non varía (so varía o emprego que ocupan) os outros que sí son de nova incorporación (un xa pediu a excedencia) teñen que superar un proceso de formación na Academia da Estrada polo que ata o 2026 non se terán incorporado definitivamente ao plantel, o malo é que durante este ano haberá un novo proceso de mobilidade no que probablemente marchen outros dez funcionarios para outros destinos, a esto hai que sumar as xubilacións que se producen cada ano e para contrarrestar, a este Concello ocórreselle publicar unha praza de policía na oferta de emprego correspondente a a este 2025.
En Pontevedra, a día de hoxe son menos de cincuenta funcionarios de policía local os que cubre o servizo 24/7, que tamén teñen dereito a vacacións, a descansos, que sufren percances e enfermidades, etc... Non parece fácil que con estas cifras "reais" o servizo á cidadanía poida ser de calidade.