Goleada da Sarriana ao Pontevedra B (5-0)
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Pontevedra B recibiu este domingo un excesivo castigo en casa da Sarriana, que aproveitou a expulsión de Rancaño no minuto 54 para impoñer a súa superioridade e golear por 5-0.
O primeiro tanto do equipo local chegou no minuto cinco tras un mal despexe nun saque de esquina que Álex Boedo enviou á rede.
Gozou de dous ocasiones o filial granate coas que puido igualar o encontro. Primeiro cunha falta botada por Hugo Padín, que foi moi frouxa, e despois con Fabio Grajales nun man a man co gardameta.
Pero antes da ocasión de Grajales, os de Jesús Ramos quedáronse cun menos no verde pola expulsión de Manuel Rancaño, que viu dúas amarilas en seis minutos.
Cun menos o partido cambiou por completo e o Pontevedra sufriu o asedio ofensivo da Sarriana, que devolveu o golpe no minuto 73 cun dobrete de Álex Boedo. Pase desde a esquerda a Diego Rey, que tentou bater por alto a Víctor, o balón quedou rexeitado e Boedo enchufó á rede sen oposición.
No 83 chegou o 3-0 de novo tras un centro desde o lateral, Diego Rey cedeu de tacón sen mirar e Álvaro Herrero sentenciou.
Con todo, o recital goleador non terminou aí e Germán Giammatei tamén se quixo unir á festa cando o partido entrara na recta final. No 89 subiu o 4-0 ao cazar un balón que quedou morto na área despois doutro erro defensivo, e xa no desconto, recibiu un pase da morte de Diego Rey e a portería baleira fixo a 'manita' coa que concluíu o encontro.
Consulta a acta nesta ligazón
Relacionadas:
-
Remontada do Paiosaco contra un Pontevedra B que acabou con dez (1-3)
Por Redacción |
-
O Bergantiños dobrega o Pontevedra B na segunda metade (2-0)
Por Redacción |
-
O Pontevedra B neutraliza o Arosa (0-0)
Por Redacción & Cristina Saiz |
-
O filial do Pontevedra volve ao campo da Seca para enfrontarse ao Arosa
Por Redacción |
-
Jesús Ramos lembra que o ano pasado "viñamos dunha serie de cinco empates e unha derrota e ao final conseguiuse o ascenso"
Por Almu Dapena |
-
Libasse Guèye, titular na derrota do Pontevedra B ante o Betanzos (0-3)
Por Redacción & Cristina Saiz |
-
Guèye goza de minutos no empate do Pontevedra B ante o Silva (0-0)
Por Redacción |
-
Guèye, con ficha no segundo equipo polo menos ata xaneiro: "Vai ser un xogador máis do filial"
Por Diego Espiño |
-
Libasse Guèye reaparece en Pontevedra seis meses despois adestrando co filial
Por Diego Espiño |